گه‌نجێك به‌هۆی هه‌ڵه‌ی خالۆزاكه‌یه‌وه‌ گیانی له‌ده‌ستدا

.

به‌هۆی به‌ركه‌وتنی فیشه‌كه‌وه‌ گه‌نجێك له‌ گه‌رمیان گیانی له‌ده‌ستدا.

موقده‌می مافپه‌روه‌ر عه‌لی جه‌مال قدووری به‌ڕێوه‌به‌ری ڕاگه‌یاندنی پۆلیسی گه‌رمیان رایگه‌یاند، ئه‌مشه‌وی یه‌كشه‌ممه‌ ته‌رمی گه‌نجێك به‌ناوی (هه‌موار سالار جه‌میل ) له‌دایكبووی 2009 هێنرایه‌ به‌شی فریاكه‌وتنی شه‌هید هه‌ژار كه‌به‌هۆی به‌ركه‌وتنی فیشه‌كه‌وه‌ گیانی له‌ده‌ستدابوو .

به‌ وته‌ی كه‌سوكاری ناوبراو خوێندكاره‌و دانیشتووی قه‌زای كه‌لاره‌ به‌سه‌ردان چۆته‌ گوندی سه‌وزبڵاغ سه‌ربه‌ناحییه‌ی قۆره‌توو .

ئه‌مشه‌و فیشه‌ك له‌ده‌ستی خاڵۆزایه‌كی خۆی ده‌رچووه‌و به‌رناوبراو كه‌وتووه‌و پاش گه‌یاندنی به‌نه‌خۆشخانه‌ گیانی له‌ده‌ستداوه‌.

له‌ئێستادا په‌ڕاوی لێكۆڵینه‌وه‌ له‌سه‌رچۆنێتی ڕوداوه‌كه‌ كراوه‌ته‌وه‌و پۆلیس ده‌ستی به‌لێكۆڵینه‌وه‌كردوه‌ و تۆمه‌تباریش به‌بڕیاری دادوه‌رو به‌پێی ماده‌ی 406 به‌ندكراوه‌.

PUKmedia راگه‌یاندنی پۆلیسی گه‌رمیان