قه‌ده‌غه‌ی هاتووچۆ له‌ هه‌رێم درێژكرایه‌وه‌

.

وه‌زیری ناوخۆی هه‌رێمی كوردستان ڕایگه‌یاند: بۆ ماوه‌ی 10 ڕۆژ قه‌ده‌غه‌كردنی هاتوچۆ درێژ كرایه‌وه‌.

كه‌مێك پێش ئێستا ڕێبه‌ر ئه‌حمه‌د وه‌زیری ناوخۆی هه‌رێمی كوردستان له‌ كۆنفرانسێكی ڕۆژنامه‌وانیدا ڕایگه‌یاند: قه‌ده‌غه‌كردنی هاتوچۆ له‌ هه‌رێمی كوردستان بۆ ماوه‌ی 10 ڕۆژ درێژكرایه‌وه‌.

وتیشی: قه‌ده‌غه‌كردنه‌كه‌ له‌ڕۆژی 1-4-2020 ده‌ستپێده‌كات و تا سه‌عات 12 ی شه‌وی 10-4-2020 درێژه‌ی ده‌بێت.

وه‌زیری ناوخۆ ئاماژه‌ی به‌وه‌شكرد كه‌ هاتوچۆی گه‌شتیاری تا 10 ی مانگی نیسان قه‌ده‌غه‌یه‌.

ڕێبه‌ر ئه‌حمه‌د سه‌باره‌ت به‌ جۆڵه‌ی بازرگانی له‌هه‌رێمی كوردستان وتیشی: جۆڵه‌ی بازرگانی به‌هه‌مان شێوه‌ی پێشوو ده‌بێت و هاوكاتیش سوپای هاووڵاتیانی كرد كه‌ پابه‌ندی ڕێنماییه‌كان بوون.

PUKmedia تایبه‌ت