وه‌زیری ته‌ندروستی: رێكاره‌كان توندوتۆڵتر بكرێن

.

وه‌زیری ته‌ندروستی رایگه‌یاند، بارودۆخی هه‌رێمی كوردستان وا ده‌خوازێت ڕێكاره‌كان توندوتۆڵ و زیاتر بكرێن.

د. سامان به‌رزنجی وه‌زیری ته‌ندروستی حكومه‌تی هه‌رێمی كوردستان رایگه‌یاند، هه‌موو هه‌ڵسه‌نگاندنه‌كان وا ده‌خوازێت ڕێككاره‌كان توندوتۆڵ و زیاتر بكرێت بۆ نه‌هێشتنی ته‌شه‌نه‌كردنی بڵاوبوونه‌وه‌ی ڤایرۆسی كۆڕۆنای نوێ COVID-19.

وتیشی: سوپاس هاووڵاتیانی خۆشه‌ویست ده‌كه‌ین بۆ ئارامیان و سوپاس بۆ هه‌موو لایه‌نه‌ په‌یوه‌نداره‌كان، تكایه‌ با ته‌ندروستی هاووڵاتیان له‌پێش هه‌ر كارێكی تر بێت، به‌ پابه‌ندبوونمان به‌ مانه‌وه‌ له‌ ماڵ و دووركه‌وتنه‌وه‌ له‌ به‌رككه‌وتنی یه‌كتر كوردستانی خۆشه‌ویست له‌ كاره‌سات ده‌پارێزین.

PUKmedia راگه‌یاندنی وه‌زاره‌تی ته‌ندروستی