وه‌زاره‌تی ته‌ندروستی داوای درێژه‌كردنه‌وه‌ی قه‌ده‌غه‌ی هاتووچۆ ده‌كات

.

وه‌زاره‌تی ته‌ندروستی هه‌رێمی كوردستان له‌ڕاگه‌یه‌ندراوێكدا داوای درێژكردنه‌وه‌ی ماوه‌ی قه‌ده‌غه‌كردنی هاتووچۆ ده‌كات.

له‌ڕاگه‌یه‌ندراوه‌كه‌دا، وه‌زاره‌تی ته‌ندروستی هه‌رێم داوای له‌ هاووڵاتیان كردووه‌ له‌ ماڵه‌كانیاندا بمێنه‌وه‌ و قه‌ده‌غه‌كردنی هاتووچۆ كاریگه‌ری زۆر باشی هه‌بووه‌ له‌ ڕێگریكردن له‌ بڵاوبوونه‌وه‌ی كۆرۆنا.

ئه‌مه‌ش ده‌قی ڕاگه‌یه‌ندراوه‌كه‌ی وه‌زاره‌تی ته‌ندروستی هه‌رێم

سوپاس هاوڵاتیانی خۆشه‌ویست ...

له‌ماوه‌ی ڕۆژانی ڕابردوو به‌هۆی ڕاگرتنی جموجۆڵ و هاتوچۆ، كاریگه‌ری زۆر باش هه‌بووه‌ له‌ ڕێگه‌گرتن له‌ بڵاوبوونه‌وه‌ی نه‌خۆشی كۆڕۆنا.
سوپاس بۆ هاوڵاتیانی خۆشه‌ویست، سوپاس بۆ پزیشكان و كارمه‌ندانی ته‌ندروستی وه‌زاره‌تی ناوه‌خۆ و پارێزگاكان و ئیداره‌كان و داموده‌زگا ئه‌منیه‌كان.
داوای درێژكردنه‌وه‌ی قه‌ده‌غه‌كردنی هاتوچۆ و به‌رده‌وام بوونی مانه‌وه‌ی هاوڵاتیان له‌ ماڵ ده‌كه‌ین.

وه‌زاره‌تی ته‌ندروستی
18 ئازار 2020

PUKmedia تایبه‌ت