حكومەتی هەرێم سەرجەم رێوڕەسمە ئاینییەكانی راگرت
کوردستان 03:50 PM - 2020-03-04.
حكومەتی هەرێم لەكۆبوونەوەی ئەمڕۆیدا كە تایبەت بووە بەكۆرۆنا سەرجەم رێورەسمە ئاینییەكانی بەوتاری هەینی مزگەوتەكانیشەوە لەسەرتاسەری هەرێمی كوردستان هەتا كاتێكی نادیار راگرت.
دەقی راگەیێندراوی حكومەت لەبارەی كۆبوونەوەكە:
سەرۆكی حكومەتی هەرێمی كوردستان سەرپەرشتی كۆبوونەوەیەكی تایبەت بە رووبەڕووبوونەوەی ڤایرۆسی كۆرۆنا دەكات .
• سەرجەم رێورەسمە ئاینییەكان لە ( مزگەوت ، كڵێسا و پەرستگاكان ) بە گوتاری هەینی مزگەوتەكانیشەوە لە سەرتاسەری هەرێمی كوردستان هەتا كاتێكی نادیار رادەگیرێت.
ئەمڕۆ چوارشەممە 2020/3/4 مەسرور بارزانی سەرۆكی حكومەتی هەرێمی كوردستان بە ئامادەبوونی قوباد تاڵەبانی جێگری سەرۆكی حكومەت، سەرپەرشتی كۆبوونەوەیەكی تایبەت بەڕووبەڕووبوونەوەی ڤایرۆسی كۆرۆنای لە هەرێمی كوردستان كرد.
لە كۆبوونەوەكەدا ، گفتوگۆ دەربارەی دوایین رێكار و ئامادەكارییەكانی رووبەڕووبوونەوەی كۆرۆنا لە هەرێمی كوردستان و بەدواداچوونی جێبەجێكردنی بڕیار و رێنماییە تەندروستییەكان كرا.
سەرۆكی حكومەتی هەرێمی كوردستان جەختی كردەوە لە سەر ئەوەی حكومەتی هەرێم هەموو هەوڵێكی خۆی دەدات و لە چوارچێوەی ئەركی خۆی بۆ پاراستنی ئاسایشی نیشتمانیی، هەرچی پێویست بوو دەیكات بۆ پاراستنی ژیان و سەلامەتی هاووڵاتیانی هەرێمی كوردستان . لەمڕووەوە لە كۆبوونەوەكەدا بڕیاردرا:
یەكەم: لە روانگەی ئەوەی پەیام و ئامانجی سەرەكی هەموو ئاینەكان ،پاراستنی روح وجەستەی مرۆڤە، هەروەها بەهۆی تۆماركردنی چەند كەیسێكی ڤایرۆسی كۆرۆنا لە شاری سلێمانی ، بۆیە دوای راگرتنی خوێندن لە ناوەندەكانی خوێندن و راگرتنی چالاكیی شوێن وسەنتەرەكانی گردبوونەوەی هاووڵاتیان، لەپێناوی خۆپارێزیی، بڕیاردرا سەرجەم رێورەسمە ئاینییەكان لە (مزگەوت ، كڵێسا و پەرستگاكان ) بە گوتاری هەینی مزگەوتەكانیشەوە، لە سەرتاسەری هەرێمی كوردستان هەتا كاتێكی نادیار رابگیرێت.
دووەم: جەختكردنەوە لە سەر بەردەوامی دابینكردنی هەموو پێداویستییەكانی نەخۆشخانە و كەرەنتین و بنكەكانی دەروازە سنوورییەكان لە هەرێمی كوردستان.
سێیەم: رێوشوێنی پێویست و زیاتر بۆ سنووداركردنی هاتووچۆ لە بنكەو بازگە و دەروازە سنوورییەكان بگیرێتەبەر بەبێ ئەوەی كار لەوەستانی جموجۆڵی بازرگانی بكات.
چوارەم: بۆ كەمكردنەوەی بارگرانی ئەو زیانانەی كە بە هۆی رێكارەكانی خۆپارێزی بەر خاوەنی شوێنە بازرگانییەكان دەكەوێت. ئەنجومەنی وەزیران بڕیاریدا بە راسپاردنی وەزیرە پەیوەندیدارەكان بەجێبەجێكردنی رێكاری یاسایی پێویست لەرێگەی چاوخشاندنەوە بە كرێ و باجی داهاتی ئەو شوێنانەو بەئاراستەی كەمكردنەوەیان بە جۆرێك رەچاوی زیانە داراییەكانیان بكرێت. بۆ ئەم مەبەستەش وەزارەتە پەیوەندارەكان رێنمایی پێویست بۆ ئاسانكاری جێبەجێكردنی ئەم بڕیارە دەردەكەن.
پێنجەم: پێویستە لایەنە پەیوەندارەكانی حكومەتی هەرێمی كوردستان هەموو رێكارە تەندروستییەكان لە كەمپەكانی ئاوارە و پەنابەران بگرنەبەر . بۆ ئەم مەبەستەش هەماهەنگی لە گەڵ رێكخراوە نێودەوڵەتییە پەیوەندیدارەكان بكرێت .
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
هەموومان لەسەر مەزاری عادل موراد دەبین
04:16 PM - 2024-05-17 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16
ئەمانەش ببینە
دەرباز کۆسرەت رەسوڵ: ئەمریکا بایەخی زۆر بە سەرنجەکانی یەکێتی دەدات
01:01 PM - 2024-05-17
ئەنجومەنی نوێنەران سەرۆکێکی نوێ هەڵدەبژێرێت
10:38 AM - 2024-05-17
داهاتی هەفتەی رابردووی سلێمانی نزیکەی 11 ملیار دینارە
08:47 AM - 2024-05-17
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
02:16 PM - 2024-05-16
زۆرترین خوێنراو
-
ناسر عەبدولنەبی محەمەد کۆچی دوایی کرد
پرسەنامە 07:25 PM - 2024-05-17 -
سەرۆک بافڵ: پێویستمان بە هەڵبژاردنێكی بێگەردە
کوردستان 06:45 PM - 2024-05-17 -
باخەکانی خانەقی لەنێوان مێژوو... یادەوەریی دا
بیروڕا 04:26 PM - 2024-05-17 -
هەموومان لەسەر مەزاری عادل موراد دەبین
ی ن ک 04:16 PM - 2024-05-17 -
مەعلوم ئەمە (خەبات) نییە
بیروڕا 03:05 PM - 2024-05-17 -
دەرباز کۆسرەت رەسوڵ: ئەمریکا بایەخی زۆر بە سەرنجەکانی یەکێتی دەدات
کوردستان 01:01 PM - 2024-05-17 -
ئەنجومەنی نوێنەران سەرۆکێکی نوێ هەڵدەبژێرێت
عیراق 10:38 AM - 2024-05-17 -
د.ئەرسەلان بایز کتێبێکی نوێ بڵاودەکاتەوە
کوردستان 09:47 AM - 2024-05-17