تەندروستی هەرێم:هیچ حاڵەتێكی كۆرۆنا تۆمارنەكراوە

.

وەزیری تەندروستی رایدەگەیەنێت: لەهەرێم هیچ حاڵەتێكی توشبوون بەكۆرۆنا تۆمارنەكراوەو ئەوانەشی لەئێران گەڕاونەتەوە لەژێر چاودێری پزیشكیدان.

د.سامان بەرزنجی وەزیری تەندروستی هەرێم لەكۆنفرانسیًكی رۆژنامەوانیدا رایگەیاند: هیچ حاڵەتێكی توشبوون بەكۆرۆنا لە هەرێمی كوردستان تۆمارنەكراوەو زیاتر لە هەزارو 400 كەسیش كە لەئێرانەوە گەڕاونەتەوە هەرێم لەژێر چاودێری پزیشكیدان.

وتیشی: 13 شوێن بۆ ئەنجامدانی پشكنین و هێشتنەوەیان ئەوكەسانە دیاریكراوە، هەروەها هەماهەنگی تەواو هەیە لەنێوان هەموو وەزارەتەكاندا هەیە.

وەزیری تەندروستی هەرێم ئاشكراشیكرد: جگە لەراگەیەنراوەكانی وەزارەتی تەندروستی هەرێم و رێكخراوی تەندروستی جیهانی هەر زانیارییەك دەربارەی ئەم ڤایرۆسە لەلایەن هەر لایەنێكەوە بڵاوبكرێتەوە دورە لەڕاستییەوە.

PUKmedia تایبەت