وەزارەتی كۆچ: سلێمانی زیاتر لەهەولێرو دهۆك هاوكارمانە
کوردستان 11:39 AM - 2024-03-24ئاوارەكان لەهەرێمی كوردستان
گەڕانەوەی ئاوارەكان لەهەرێمی كوردستانەوە بۆ زێدی خۆیان بەردەوامی هەیەو ئەمڕۆ 250 خێزان دەگەڕێندرێنەوە، بەڕێوەبەری بەشی پارێزگاكانی هەرێمیش لەوەزارەتی كۆچ و كۆچبەرانی عیراق دەڵێت: "لە پارێزگای سلێمانی زیاتر لە پارێزگاكانی هەولێرو دهۆك هاوكاری ئاوارەكان دەكرێت بۆ گەڕاندنەوەیان".
وەزارەتی كۆچ و كۆچبەرانی عیراق بڕیاریداوە تاكۆتایی مانگی تەمووزی ئەمساڵ، سەرجەم ئاوارەكان لە كەمپەكانی هەرێم بگەڕێنەوە بۆ زێدی خۆیان.
وەزارەتی ناوخۆی هەرێم كۆنترۆڵی كەمپەكانی هەولێرو دهۆكی كردووە
سامر مەشكور بەڕێوەبەری بەشی پارێزگاكانی هەرێمی كوردستانی وەزارەتی كۆچ و كۆچبەرانی عیراق لە لێدوانێكی تایبەتدا بە وێبسایتی رەسمی یەكێتیی نیشتمانیی كوردستان PUKMEDIA ی راگەیاند: "بۆ گەڕاندنەوەی ئاوارەكان بەراورد بە هەولێرو دهۆك لە پارێزگای سلێمانی زیاتر هاوكاری و كارئاسانیمان بۆدەكرێت، ئەمەش دەگەڕێتەوە بۆ ئەوەی كە كەمپەكانی هەولێرو دهۆك لەژێر كۆنترۆڵی وەزارەتی ناوخۆی حكومەتی هەرێمی كوردستاندان".
"هەفتەی پێشوو كەمپێكمان داخستوەو بەم نزیكانەش كەمپێكی دیكە دادەخەین و ئاوارەی ئەو دوو كەمپە گەڕاونەتەوە زێدی خۆیان، هاوكات ئەمڕۆ 24-3-2024، كارئاسانی بۆ گەڕاندنەوەی 250 خێزانی دیكە كراوەو دەگەڕێنەوە" سامر مەشكور وادەڵێت.
كۆتایی بەگەڕانەوەی ئاوارەكان دێت
وەزارەتی كۆچ و كۆچبەرانی عیراق بڕیاریدابوو لە 30-6 ی ئەمساڵ سەرجەم ئاوارەكانی هەرێمی كوردستان بگەڕێنەوە زێدی خۆیان، بەڵام بەهۆی دەستپێكردنی تاقیكردنەوەكانی خوێندكاران كاتەكەی بۆ 30-7 ی ئەمساڵ دواخراو لەئێستاشدا گەڕانەوەی ئاوارەكان دەستیپێكردووە، چونكە هیچ مەترسییەك لەناوچەكانیان نەماوەو دەتوانن ژیانی ئاسایی خۆیان دەستپێبكەنەوە.
عیراق تێچووی گەڕانەوەی ئاوارەكان لەئەستۆ دەگرێت
حكومەتی عیراق لەهاندان بۆ گەڕانەوەی ئاوارەكان بەردەوامە و بەهەموو جۆرێك هاوكارییان دەكات، بەجۆرێك رۆژانە تێچووی گەڕانەوەی دەیان خێزانی ئاوارە لەئەستۆ دەگرێت.
رۆنزی زیاد سیدۆ سەرۆكی لیژنەی كۆچ و كۆچبەران لە ئەنجومەنی نوێنەرانی عیراق بە وێبسایتی رەسمی یەكێتیی نیشتمانیی كوردستان PUKMEDIA ی راگەیاند: "گەڕانەوەی ئاوارەكان بۆ زێدی خۆیان بەردەوامە و وەزارەتی كۆچ و كۆچبەران هەموو كارئاسانییەك بۆ گەڕاندنەوەیان دەكات، لەم چوارچێوەیەشدا بڕیاری داوە بڕی چوار ملیۆن دینارو پارچەیەك زەوی و دامەزراندن لەوەزارەتەكان وەك هاندانێك پێشكەش بە ئاوارەكان بكات".
"حكومەتی عیراق تەئكید لەگەڕانەوەی ئاوارەكان بۆ زێدی خۆیان دەكات و هەوڵی پێشكەشكردنی خزمەتگوزاری و ئاوەدانكردنەوەی ناوچەكانیان دەدات" رۆنزی زیاد سیدۆ وادەڵێت.
نزیكەی 20 كەمپ لەهەرێم ماونەتەوە
بەپێی بەدواداچوونێكی PUKMEDIA، لەگەڵ ئەوەی زۆربەی ئاوارەكانی عیراق لەكەمپەكانی هەولێرو دهۆك نیشتەجێن، لەئێستاشدا نزیكەی 20 كەمپ لەهەرێم ماونەتەوە كەنزیكەی 30 هەزار خێزانیان لەخۆگرتووە، ئەمە جگە لەوەی كە ژمارەیەك ئاوارە لەكەمپەكان نین و لەشارەكانی هەولێرو دهۆك و سلێمانی نیشتەجێن، ئەمەش لەكاتێكدایە كەلەماوەی دوو ساڵی رابردوودا نزیكەی 30% بۆ 40% ئاوارەكانی هەرێم گەڕاونەوە زێدی خۆیان.
ساڵی 2016 عیراق زۆرترین ئاوارەی بەخۆیەوە بینیوە
بەپێی راپۆرتێكی رێكخراوی نێودەوڵەتی كۆچ، لەنیسانی ساڵی 2016 دا عیراق زۆرترین ئاوارەی بەخۆیەوە بینیوە، بەجۆرێك نزیكەی 3.42 ملیۆن كەس ناچاربوون ماڵەكانیان جێبهێڵن، كە بەشی زۆری ئاوارەكانیش روویان لەهەرێمی كوردستان كردووەو لە كەمپەكان نیشتەجێ بوون، بڕیاریشە لەكاتی گەڕانەوەی ئاوارەكان بۆ زێدی خۆیان وەزارەتی كۆچ و كۆچبەرانی عیراق سەرژمێری ئەو ئاوارانە بكات كە تا ئێستا لە هەرێمی كوردستان ماونەتەوەو كۆتایی بە پرسی ئاوارەكان لە عیراق بهێنێت.
PUKMEDIA
هەواڵی زیاتر
-
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19
ئەمانەش ببینە
یەکێتی سەرەخۆشی لە کۆماری ئیسلامی ئێران دەکات
10:26 AM - 2024-05-20
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
09:45 PM - 2024-05-19
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
زۆرترین خوێنراو
-
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19