عیماد ئەحمەد: راگەیاندنی یەكێتی قوتابخانەی داهێنان و پێگەیاندنی كادرو ئازادیی رادەربڕینە
کوردستان 11:42 AM - 2024-01-11عیماد ئەحمەد لێپرسراوی مەكتەبی راگەیاندن و هۆشیاری
عیماد ئەحمەد لێپرسراوی مەكتەبی راگەیاندن و هۆشیاری لە (دووەمین كۆنفرانسی رێكخستنەوە و داڕشتنەوەی سیاسەتی میدیایی و ئامادەسازی بۆ قۆناغی نوێ)ی بۆردی راگەیاندن، پەیامێك بڵاودەكاتەوەو رایدەگەیەنێت: "راگەیاندنی یەكێتی خاوەنی رابردوویەكی پڕ سەروەرییە و دەستكەوتی زۆرە و ئەم كۆنفرانسە بۆ ئەوەیە بەیەكەوە میكانیزمی تازەی كاركردن دابڕێژین و كەموكورتییەكانمان دەستنیشان بكەین".
دەقی پەیامەكە:
ئامادەبووانی ئازیز
بەیانیتان باش
هەڤاڵ بافڵ لەبەر سەرقاڵی و مەواعیدی پێشوەختەوە، نەیتوانی بەشداری كۆنفرانسەكەمان بكات، بەڵام بەسوپاسەوە بە پەیامێكی نایاب و پڕ بایەخ و پشتیوانییەكی زۆرەوە، بەشداری كۆنفرانسەكەمانی كرد. زۆرسوپاسی دەكەین.
پێشەكی سڵاو لە گیانی ئەوانەی لەبواری راگەیاندندا خەباتیان كردووە و شەهیدبوون، ئەوانەش كە كۆچی دواییان كردووە.
پیرۆزبایی بەستنی ئەم كۆنفرانسەتان لێدەكەین و هیوای سەركەوتنتان بۆ دەخوازین.
ئاشكرایە، یەكێتیی نیشتمانیی كوردستان، سەرەڕای ئاستەنگ و قەیرانە ناوخۆیی و دەرەكییەكان، دوای مەرگی مام جەلال و نەخۆشكەوتنی كاك كۆسرەت و هێرۆخان، كە زۆر سەخت و بەئازاربوو، توانیمان نەك هەر لەسەرپێی خۆمان بوەستین، بەڵكو بەگژ نالەباریی دۆخەكەدا بچینەوە و سەرەنجام پێنجەمین كۆنگرەمان بە سەركەوتوویی ئەنجامدا و لە هەڵبژاردنێكی چارەنووسسازیشدا لە ناوچە جێناكۆكەكان سەركەوتنمان بەدەستهێنا.
لە هەموو ئەو قۆناغە جیاوازانەدا، رۆڵی ئێوە بە سەرجەم كەناڵ و ئۆرگانەكانەوە، دیار و بەرچاو بوو، توانیتان بەسەركەوتوویی ئەركی سەرشانتان جێبەجێ بكەن، لێرەدا بەناوی سەرۆكی یەكێتی و مەكتەبی سیاسییەوە سوپاس و دەستخۆشیتان لێ دەكەین.
ئەم كۆنفرانسە بۆ ئەوەیە بتوانین بەیەكەوە میكانیزمی تازەی كاركردن دابڕێژین و كەموكورتییەكانمان دەستنیشان بكەین. من دەزانم راگەیاندنی یەكێتی خاوەنی رابردوویەكی پڕ سەروەرییە و دەستكەوتی زۆرە، قوتابخانەی داهێنان و پێگەیاندنی كادری راگەیاندن و ئازادیی رادەربڕین بووە، بەڵام سەرەڕای ئەو سەروەریانە پێویستمان بە پێداچوونەوە و ئامادەكاریی تازە هەیە.
لەم رووەوە ئێمە دەزانین، ئێوە خۆتان ئەهلی كارەكەن، توانا و لێوەشاوەیی زۆرتان تێدایە بۆیە دڵنیاین ئەم كۆنفرانسە بە ئەنجامی باش كۆتایی دێت.
من وەكو خۆم، هاوكار و پشتیوانتان دەبم بۆ جێبەجێكردنی بڕیار و راسپاردەكانی ئەم كۆنفرانسە.
ئامادەبووانی كۆنفرانس
پێم باشە لێرەدا چەند سەرەقەڵەمێك بۆ گفتوگۆ بخەمەڕوو:
-گرنگە راگەیاندنی یەكێتی قۆناغ بە قۆناغ، لەگەڵ پێشكەوتنی زانستی و تەكنەلۆژی و گەشەكردنی هونەرەكانی كاری راگەیاندندا، خۆی نوێ بكاتەوە، چونكە نوێبوونەوە خەسڵەتێكی بەردەوام و نەگۆڕی یەكێتییە.
-لە قۆناغی نوێی راگەیاندنی یەكێتی-دا، باشترە پێ لەسەر ئەوە دابگرین كە راگەیاندنی ئێمە راگەیاندنێكی كارا و كاریگەر بێت لەسەر رای گشتیی كوردستان و مایەی متمانەی زیاتری خەڵك بێت.
-لە قۆناغێكداین قەیران و كێشە و ئاڵۆزیی زۆر لە ئاستی ناوخۆ و دەرەوە و جیهان لەئارادایە، شەڕ و ناكۆكییەكان بە خێرایی پەرەدەسێنن. بەداخەوە لەسەر ئاستی ناوخۆی كوردستانیش یەكڕیزی و یەكدەستیی هێزە سیاسییەكان درزی گەورەی تێكەوتووە، بۆیە پێویستە وتاری راگەیاندنی یەكێتی رەنگدانەوەی سیاسەتی پەسندكراوی یەكێتی بێت كە لە پێنجەمین كۆنگرەدا بڕیاری لەسەر دراوە، كە خۆی لە بەرژەوەندیی باڵای گەلی كوردستان و یەكێتیدا دەبینێتەوە.
-بایەخی زیاتر بە روونكردنەوەی سیاسەتەكانی یەكێتی لەسەر ئاستی عیراق بدەین و داكۆكی لە مافە رەوا و دەستوورییەكانی گەلی كوردستان بكەین و فەلسەفەی سۆشیال دیموكرات لە پەیام و كارەكانماندا رەنگبداتەوە.
-بۆ ئەم قۆناغە پێویستە گوتاری راگەیاندنمان رەنگدانەوەی چەپكەگوڵەكەی رێبەری رەوانشادمان مام جەلال بێت.
-هەوڵ بدەین دۆست بۆ یەكێتییەكەمان پەیدابكەین، نەك دوژمن.
-بایەخی زیاتر بە سۆشیال میدیا و تۆڕە كۆمەڵایەتییەكانی خۆمان بدەین و رێكیان بخەینەوە و كۆیان بكەینەوە و بۆ كاری دەستەجەمعی ساز و ئامادەیان بكەین.
-دانانی ژوورێكی عەمەلیات بۆ تەنسیق لەگەڵ سەرجەم كەناڵەكان، رۆژانە بەدواداچوون بكات بەتایبەت لەكاتی هاتنە پێشەوەی رووداوی سیاسیی گەورەدا.
-رێكخستنەوەی پەیوەندیی لەگەڵ دامودەزگاكانی حكومەتی هەرێم و بەغدا و وەرگرتنی زانیاری و هەواڵەكانیان و دووبارە داڕشتنەوەیان و دروستكردنی هەماهەنگی میدیایی لەگەڵ سەرۆكایەتی و نوێنەرایەتییەكانی تیمی یەكێتی لە حكومەت و پەرلەمان لەسەر ئاستی كوردستان و عیراق.
-وخیتامها مسك... بودجەیەكی شایستە و گونجاو، دوور لە تەخشان و پەخشان، بە راوێژ لەگەڵ مەكتەبی دارایی یەكێتی، بۆ مەكتەبەكەمان ئامادەبكەین، ئەمەش لەپێناوی سەرخستنی پلان و كاری میدیایی و هوشیاریی داهاتوومان و چارەسەركردنی مووچەی كادر و كارمەندەكانمان، بێگومان بە رەچاوكردنی پێویستی و تواناكانی دارایی بەردەست.
لە كۆتاییدا، سوپاسی یەكەبەیەكەتان دەكەین، كار و ماندوبوونتان بەرزدەنرخێنین. پشت بەخوا لەم قۆناغانەی ئیشكردنیش، كە بەیەكەوەین، لە ئاست چاوەڕوانیی یەكێتی و جەماوەری كوردستاندا دەبین.
جارێكی تر سوپاسی بۆردی راگەیاندن و سەیدا لەتیف و لیژنەی ئامادەكاریی كۆنفرانسەكە دەكەین، هیوای سەركەوتنیان بۆ دەخوازین.
ئیتر هەر شاد و سەربەرزبن
PUKMEDIA
هەواڵی زیاتر
-
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
12:50 PM - 2024-05-19
ئەمانەش ببینە
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
زۆرترین خوێنراو
-
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19