جومانە غولای: ئەنجامی کۆتایی هەڵبژاردن دوای یەکلاکردنەوەی تانەکان رادەگەیەنرێت
عیراق 02:44 PM - 2023-12-21جومانە غەلای وتەبێژی کۆمسیۆنی باڵای سەربەخۆی هەڵبژاردنەکانی عیراق
ئەمڕۆ ٢١-١٢-٢٠٢٣ کۆمسیۆنی باڵای سەربەخۆی هەڵبژاردنەکانی عیراق دەستیکرد بەجیاکردنەوە و بژاردنەوەی دەستی دەنگەکانی ئەو وێستگانەی، کە بەهۆی کێشەی تەکنیکی لە ئامێرەکانیاندا ئەنجامەکانیان نەنێردرابوون بۆ ئۆفیسی سەرەکی لەبەغدا.
جومانە غەلای وتەبێژی کۆمسیۆنی باڵای سەربەخۆی هەڵبژاردنەکانی عیراق بە سایتی رەسمیی یەکێتیی نیشتمانیی کوردستان PUKMEDIA ی راگەیاند:" ئەمڕۆ کۆمسیۆنی عیراق دەستیکرد بەجیاکردنەوە و بژاردنەوەی دەستی دەنگەکانی ئەو وێستگانەی، کە بەهۆی کێشەی تەکنیکییەوە لە ئامێرەکاندا لە کاتی دیاریکراودا کە ٦ سەعاتە ئەنجامەکانیان نەنێردرابوون بۆ ئۆفیسی سەرەکی لەبەغدا".
بژاردنەوەی دەستی بۆ دەنگەکانی ١٠٠٠ وێستگە دەکرێت
"پرۆسەکە سەرجەم پاریزگاکانی عیراق دەگرێتەوە، لە فەرمانگەی کۆمسیۆنی پارێزگاکان ئەنجام دەدرێت و تێیدا جیاکردنەوە و بژاردنەوەی دەستی بۆ زیاتر لە ١٠٠٠ وێستگە دەکرێت، کە ٥٠ وێستگەیان هی دەنگدانی گشیتییە و لەسەعات ٨:٠٠ی بەیانی تا ٦:٠٠ی ئیوارە بەردەوام دەبێت".
هیچ سکاڵایەکی سور تۆمارنەکراوە
سەبارەت بە سکاڵاکانیش وتەبێژی کۆمسیۆنی هەڵبژاردنەکانی عیراق وتی:" تا ئێستا ١٢٣ سکاڵا گەیشتووەتە کۆمسیۆن، کە هەندێکیان زەردن و راستەوخۆ رەتدەکرێنەوە، هەرچی سکاڵای سەوزیشە کە لەسەر چاودێران و هێزە ئەمنییەکان و فەرمانبەرانی وێستگەکان تۆمارکراون کۆمسیۆن رێکاری پێویستیان بەرامبەر دەگرێتە بەر و کەمتەرخەمەکان سزا دەدات، هاوکات تا ئێستا هیچ سکاڵایەکی سور سەبارەت بە پرۆسەی هەڵبژاردنەکان تۆمارنەکراوە".
ئەنجامی کۆتایی رادەگەیەنرێت
جومانە غەلای راشیگەیاند:" دوای تەواو بوونی پرۆسەی جیاکردنەوە و بژاردنەوەی دەستی دەنگەکانی ئەم وێستگانە، راستەوخۆ کۆمسیۆن ئەنجامی بەرایی گشتی رادەگەیەنێت و دەستدەکات بە وەرگرتنی تانەدان لەسەر پرۆسەکە، دوای یەکلاکردنەوەی تانەکانیش ئەنجامی کۆتایی رادەگەیەنرێت".
ئەمەش لە کاتێکدایە لە کۆی ئەو وێستگانەی کە پرۆسەی جیاکردنەوە و بژاردنەوەی دەستی تێیدا ئەنجام دەدرێت، ٥٣ وێستگەیان لە سلێمانی و ١١٢ وێستگەیان لە کەرکوک ٣٥ وێستگەیان لە هەولێر ٢٧ وێستگەیان لە دهۆکە.
PUKMEDIA
هەواڵی زیاتر
-
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
01:13 PM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19
ئەمانەش ببینە
یەکێتی سەرەخۆشی لە کۆماری ئیسلامی ئێران دەکات
10:26 AM - 2024-05-20
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
09:45 PM - 2024-05-19
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
زۆرترین خوێنراو
-
سەرۆککۆماری عیراق: پشتیوانی گەلی ئێرانین لەم بارودۆخە سەختەدا
عیراق 11:35 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
جیهان 10:46 AM - 2024-05-20 -
یەکێتی سەرەخۆشی لە کۆماری ئیسلامی ئێران دەکات
ی ن ک 10:26 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
کوردستان 10:07 PM - 2024-05-19 -
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
کوردستان 09:45 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19