قوباد تاڵەبانی: بەشداری بەرچاو لە هەڵبژاردن دا بکەن
کوردستان 05:28 PM - 2023-12-15قوباد تاڵەبانی
قوباد تاڵەبانی سەرپەرشتیاری مەکتەبی سکرتارییەتی سەرۆک مام جەلال، سەردانی خانەقینی کرد و لەگەڵ شێرکۆ میروەیس لێپرسراوی مەڵبەند و ئەندامانی مەڵبەندی خانەقینی یەکێتیی نیشتمانیی کوردستان کۆبووەوە.
لە کۆبوونەوەکەدا کە رۆژی هەینی، ١٥ی دیسەمبەری ٢٠٢٣ بە ئامادەبوونی د.خەسرەو گوڵ محەمەد، نوێنەری سەرۆک بافڵ جەلال تاڵەبانی بۆ ئەنجومەنەکانی یەکێتی بەڕێوەچوو، گفتوگۆکرا لەبارەی دۆخی ئێستای خانەقین و ئەو کێشە و گرفتانەی رووبەڕووی دانیشتوانی خانەقین دەبنەوە.
لێپرسراوی سکرتارییەتی سەرۆک مام جەلال دوای گوێگرتن لە بیر و بۆچوونی ئەندامانی مەڵبەند، رایگەیاند:" ئەرکی لێپرسراو و کادرانی یەکێتییە لەناو خەڵکدابن و بەدەم داواکارییەکانی هاوڵاتییانی خانەقینەوە بچن، چونکە داواکاری دانیشتوانی خانەقین، داواکاری یەکێتیی نیشتمانیی کوردستانە" .
لە بەشێکی دیکەی کۆبوونەوەکەدا باسی هەڵبژاردن کرا. لەمبارەیەشەوە قوباد تاڵەبانی، ئاماژەی بە گرنگیی بەشداری هاوڵاتییان کرد لە هەڵبژاردنەکاندا و داوایکرد:" لێپرسراو و کادرانی یەکێتی هەموو هەوڵێک بدەن تا خەڵکێکی زیاتر بەشداری لە پرۆسەی دەنگدان لە هەڵبژاردنەکاندا بکەن" .
هەروەها داواشیکرد بە چاوکراوەییەوە چاودێری پرۆسەکە بکەن و یارمەتیدەربن لە بەڕێوەچوونی هەڵبژاردنەکان بە شێوەیەکی پاک و بێگەرد تا مافی دەنگدەران نەفەوتێت.
وتیشی:" کاندیدەکان پاش سەرکەوتنیان، ببنە خزمەتکاری خەڵک، چونکە ئامانجی بەرپرسیارییەتی دەبێت خزمەتکردن بێت نەک بەرژەوەندی تایبەت" .
لەلایەکی ترەوە هەمان رۆژ قوباد تاڵەبانی سەرپەرشتیاری مەکتەبی سکرتارییەتی سەرۆک مام جەلال سەردانی کەلاری کرد و لەگەڵ لێپرسراو و ئەندامانی مەڵبەندی گەرمیانی یەکێتیی نیشتمانی کوردستان کۆبووەوە.
لە کۆبوونەوەکەدا قوباد تاڵەبانی بەبۆنەی دەستبەکاربوونی وەک لێپرسراوی مەڵبەندی گەرمیانی یەکێتی، پیرۆزبایی لە هەڤاڵ سالار مەحمود کرد و هیوای سەرکەوتنی بۆ خواست لە ئەرکە نوێیەکەیدا و داواشی لە ئەندامانی مەڵبەند کرد وەک یەک تیم پێکەوە هاوکاری هەڤاڵ سالار بکەن بۆ بەرەوپێشبردنی سیاسەتەکانی یەکێتی لە دەڤەری گەرمیان.
لە کۆبوونەوەکەدا باسی گیروگرفتەکانی دەڤەری گەرمیان کرا، دوای گوێگرتن لە ئەندامانی مەڵبەندی یەکێتی، سەرپەرشتیاری مەکتەبی سکرتارییەتی سەرۆک مام جەلال، رایگەیاند:" بڕیاری کۆنگرەی پێنجەمی یەکێتییە کە داواکاری هاوڵاتییان، داواکاری یەکێتیشە، هەربۆیە ئەرکی لێپرسراو و کادرانی یەکێتییە بەر لە هەر کەس و لایەنێکی دیکە بە دەم داواکاری هاوڵاتییانەوە بچن و ببنە دەنگ و رەنگی هاوڵاتییان، بە تایبەتیش بەدواداچوون بۆ کێشەکانی هاوڵاتییان بکەن لەناو دامودەزگاکانی حکومەت لە سنوری ئیدارەی گەرمیان و رێگربن لە هەرجۆرە پێشێلکارییەکی یاسایی کە بەرامبەر بە هەر هاوڵاتییەک بکرێت".
قوباد تاڵەبانی رێکخستنەوەی باشتری ریزەکانی یەکێتیی نیشتمانیی کوردستان لەسنوری هەر مەڵبەندێک بەپێویستزانی و ئاماژەشی بەگرنگی مەڵبەندی گەرمیان دا و داوای کرد کاری مەڵبەند کارێکی نمونەیی بێت تا باشتر خزمەتی گەرمیانیەکان بکرێت.
PUKMEDIA
هەواڵی زیاتر
-
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
01:13 PM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19
ئەمانەش ببینە
یەکێتی سەرەخۆشی لە کۆماری ئیسلامی ئێران دەکات
10:26 AM - 2024-05-20
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
09:45 PM - 2024-05-19
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
زۆرترین خوێنراو
-
سەرۆککۆماری عیراق: پشتیوانی گەلی ئێرانین لەم بارودۆخە سەختەدا
عیراق 11:35 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
جیهان 10:46 AM - 2024-05-20 -
یەکێتی سەرەخۆشی لە کۆماری ئیسلامی ئێران دەکات
ی ن ک 10:26 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
کوردستان 10:07 PM - 2024-05-19 -
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
کوردستان 09:45 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19