ستران عەبدوڵڵا: یەكێتی بە كۆنگرە بەرنامەو سەركردایەتی و پەیڕەو نوێدەكاتەوە
کوردستان 04:30 PM - 2023-08-23ستران عەبدوڵڵا
مەكتەبی سیاسی یەكێتیی نیشتمانیی كوردستان لەكۆبوونەوەی ئاسایی خۆیدا لە كەركوك كە بەسەرۆكایەتی بافڵ جەلال تاڵەبانی سەرۆكی یەكێتی ئەنجامدرا، بوێرانە بڕیاری پێنجەمین كۆنگرەی خۆی لە مانگی ئەیلولی داهاتوودا داو ئەندامێكی مەكتەبی سیاسی یەكێتی-ش دەڵێت: "كۆنگرە گۆڕانكاری بەسەر پڕۆگرامی حزبدا دەهێنێت و سەركردایەتییەكی نوێش هەڵدەبژێرێت".
ستران عەبدوڵڵا لێپرسراوی مەكتەبی راگەیاندنی یەكێتیی نیشتمانیی كوردستان لەبارەی پێنجەمین كۆنگرەی یەكێتی رایگەیاند: "سەرۆك بافڵ لەكۆبوونەوەی مەكتەبی سیاسیدا ئەو بابەتەی پێشنیار كرد و هۆكارەكەشی بۆ ئەوە گەڕاندەوە، ئەمساڵ كۆتایی بەئەركی ئەندامانی سەركردایەتی دێت، هەروەها روومان لە هەڵبژاردنی ئەنجومەنی پارێزگاكان و هەڵبژاردنی ئەنجومەنی نیشتمانیی كوردستانە لەساڵی داهاتوودا، بۆئەوەی كۆنگرە هاوكات نەبێت لەگەڵ هەڵبژاردنەكاندا پێویستە پێش هەڵبژاردنەكان كۆنگرە ببەسترێت".
یەكێتی نایەوێت كۆنگرە دوابكەوێت
"ئەگەر بشمانەوێت كۆنگرە دوابخەین بۆ دوای هەڵبژاردنی ئەنجومەنی پارێزگاكان، ئەوكاتە رووبەڕووی هەڵبژاردنی پەرلەمانی كوردستان دەبینەوەو دیسان ناچار دەبین دوایبخەینەوە، ئەمەش دەمانباتەوە سەر ریتمی یەكەم كە درەنگ درەنگ كۆنگرەكانی یەكێتیی نیشتمانیی كوردستان دەكرا، بۆیە پێشنیاری سەرۆك بافڵ وابوو كە پێش هەڵبژاردنی ئەنجومەنی پارێزگاكان، یەكێتی كۆنگرەی خۆی ببەستێت و بەمەش رەنگە یەكەمجاربێت لە مێژووی یەكێتی دا، نەك كۆنگرەكانی لەكاتی خۆیدا بكات، بەڵكو پێشوەخت كۆنگرە ئەنجامبدات".
بەكۆی دەنگ كاتی بەستنی كۆنگرە دیاریكرا
ستران عەبدوڵڵا راشیگەیاند: "هەر لەكۆبوونەوەكەی كەركوكدا كۆمسیۆنێكی باڵا بۆ كۆنگرە پێكهێنراو بەپێی پەیڕەوی ناوخۆ كاروباری پێنجەمین كۆنگرەی رێكدەخات، دواتر بە كۆی دەنگ بڕیاردرا یەكێتی پێش هەڵبژاردنەكان لە رۆژی 27-9-2023 خۆی نوێ بكاتەوە".
كێن ئەوانەی بەشداری كۆنگرە دەكەن؟
سەبارەت بەو هەڤاڵانەی لە پێنجەمین كۆنگرەی یەكێتی دا بەشدار دەبن، ستران عەبدوڵڵا وتی: "ئەو هەڤاڵانەی بەشداری كۆنگرە دەكەن بریتین لە، ئەندامانی سەركردایەتی و ئەنجومەنی باڵای سیاسی، ئەندامانی پێشووی سەركردایەتی و ئەندامانی دەستەی دامەزرێنەر و پێشمەرگەكانی ساڵی 1976، بەو پێوەرانەش لەئێستادا نزیكەی 200 كەسی جێگیر ئەندامی كۆنگرەی داهاتوون، ئەوانی دیكە بە میكانیزمێك دەبنە ئەندامی كۆنگرە كەهەڤاڵانی مەكتەبی رێكخستن و مەكتەبی هەڵبژاردن و مەڵبەندی دیراسات و ناوەندی یاسایی پێشنیاری دەكەن".
سەركردایەتییەكی نوێ هەڵدەبژێرێت
لێپرسراوی مەكتەبی راگەیاندنی یەكێتیی نیشتمانیی كوردستان راشیگەیاند: "لە پێنجەمین كۆنگرەی یەكێتی دا پێویستە بارودۆخی نوێی ناو یەكێتی و حكومڕانی كوردستان و عیراق روونبكرێتەوە، هاوكات كۆنگرەیەك دەبێت كە پڕۆگرامی یەكێتی گۆڕانكاری بەسەردا دێت و سەركردایەتی نوێ تێدا هەڵدەبژێردرێت و بەپێی ئەو بەرنامەیەی كە لەناو كۆنگرە هەیە پەسند دەكرێت، بێگومان پێویستە بەرنامەی هەر حزبێكیش رووی لە خەڵك بێت، یەكێتیش كە خۆی بە خزمەتكاری خەڵك دەزانێت و لەپێناو خزمەتی خەڵك درێژە بەخەباتی خۆی دەدات ".
ئاواتی بەستنی كۆنگرە لەكاتی خۆیدا دێتە دی
ئەمەش لەكاتێكدایە، بەستنی كۆنگرە لەكاتی خۆیدا ئاواتێكی دێرینی جەنابی مام جەلال و دەستەی دامەزرێنەرانی یەكێتی بووە، ئەمڕۆش بەسەركردایەتی بافڵ جەلال تاڵەبانی سەرۆكی یەكێتیی نیشتمانیی كوردستان ئەو ئاواتەیان دەهێنرێتە دی .
PUKMEDIA
هەواڵی زیاتر
-
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
01:13 PM - 2024-05-20 -
سەرۆک بافڵ: دڵمان لای گەل و سەرکردایەتی باڵای ئێرانە
11:38 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20
ئەمانەش ببینە
کوردستان 02:43 PM - 2024-05-20 رێكخراوی پهیامنێران: لهسهر داوای داواكاری گشتی شاكار ستار دهستگیركراوه
یەکێتی سەرەخۆشی لە کۆماری ئیسلامی ئێران دەکات
10:26 AM - 2024-05-20
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
09:45 PM - 2024-05-19
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
زۆرترین خوێنراو
-
سەرۆککۆماری عیراق: پشتیوانی گەلی ئێرانین لەم بارودۆخە سەختەدا
عیراق 11:35 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
جیهان 10:46 AM - 2024-05-20 -
یەکێتی سەرەخۆشی لە کۆماری ئیسلامی ئێران دەکات
ی ن ک 10:26 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
کوردستان 10:07 PM - 2024-05-19 -
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
کوردستان 09:45 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19