کۆنگرەی جۆشدانەوەی یەکێتییبوون
بیروڕا 09:10 PM - 2023-08-21ئەرسەلان مەحمود
ئەرسەلان مەحمود
یەکێک لەوێستگە گرنگەکان لەژیانی حزبیدا (حزبە دیموکراسیخوازو ئازادیخوازەکان) کۆنگرەیە، بڕیارەکەی (ی.ن.ک) سەبارەت بەئەنجامدانی کۆنگرەی پێنجەمی خۆی لەنزیک بەکات و سات و وادەی خۆیدا، زادەی ئەم تێگەیەو جێبەجێکردنی بڕیارو ڕاسپاردەکانی کۆنگرەی چوارەو پێداگریشە لەسەر بنەماو پرەنسیپە دیموکراسییەکان، لەگەڵیدا هەنگاوێکی نوێ و ناوازەو بیانوو بڕیشە نەک هەر لەیەکێتیی نیشتمانیی کوردستان خۆیدا، بگرە لەژیانی حزبە هاونیشتمانی و ناوچەییەکەیشدا.
مەسەلەی دۆخەکە هەستیارەو زەمان و زەمینەکە گونجاو نیە، لەیەکێتییدا بوون بەڕابردوو، حزبی ڕاستەقینەو زیندوش ئەو حزب و دامەزراوە سیاسییە بەبڕشتەیە لەهەردۆخ و زەمان و زەمینەیەکدا توانای بڕیاردان و هەڵکردنی هەیە، یەکێتی ئەو ڕاستییەی سەلماندەوە، حزبی دلێرو بوێری قۆناغ و سەردەمی خۆیەتی و هیچ هێزو دۆخێک نیە بتوانێ گەمارۆی بدات و بیوەستێنێت، بڕیارەکە دروست گوزارشتکردنە لەو ڕاستی و زیندوێتی و ئیرادەو هێزە تازەیەی هەیەتی و سەفینی ئەو هێزمەندییەشی پشتبەستوو بەئایدیاکانی فەخامەتی سەرۆک (مام جەلال) لەیەک تیمی و یەکڕیزییە ئۆرگانی و مرۆییە مەزنەکەییەوە سەرچاوەی گرتووە.
کاری کۆنگرە لەژیانی حزبیدا، خوڵقاندنی پەرجۆ یا دروستکردن و دۆزینەوەی کەوکەبێک نیە، پردی پەڕینەوەی حزبە لەقۆناغێک بۆ قۆناغێکی ترو دیاریکردنی هێڵی نوێیە، دیزاینکردنەوەی فۆرم و نوێکردنەوەی سەرکردایەتی و ئۆرگانی و جۆشدانەوەی ڕیزەکانێتی لەڕێگەی هەڵێنجانی دیدگەی نوێ و هاوچەرخەوە، کۆنگرەی پێنجەمی یەکێتی وەک لەڕاگەیەندراوی دوا کۆبونەوەی مەکتەب سیاسییەکەیدا هاتووە، کۆنگرەی جۆشدانەوەی گیانی یەکێتییبوونەو خۆی لەدیزاینکردنەوەو داڕشتنەوەی وڵامدانەوەو وڵامدەرەوەی ئەرک و بەرپرسیارێتییە نوێیەکانی قۆناغەکەدا دەبینێتەوەو کۆنگرەی ڕەوێنەرەوەی نائومێدییە جڤاکییەکان و ڕواندنەوەندی ئومێدە سەوزەکانی شەهیدان و کۆمەڵانی خەڵک دەبێت.
یەکێتیی ئەمڕۆ، بەسەرکردایەتی سەرۆک (بافڵ جەلال تاڵەبانی)، یەکبوونە لەوتارو ئەداو بڕیاردا، یەکێتیبوونی سەرمایە ماددی و مەعنەوی و مرۆییەکەیەتی لەیەکێتییدا، دەنگێکە دلێر لەگۆڕەپانی سیاسی و دیبلۆماسییەتی ڕوون و ڕاشکاوانەی نیشمانیی دا، یەکێتی ئەمڕۆ هێزێکە تەواو واقیع بین و بگۆڕ، مشتێکە پۆڵاین لەبەرامبەر دژو دوژمنانی کوردستان و نەیاردا، ئەوەی مابێت لەپاشماوەی بێمانایی، لەکۆنگرەی پێنجدا بەبێ ئاوڕدانەوەو گەڕانەوە بەرەو دواوە، بەمانای دەکاتەوە لەخۆی و بەدەرەوەی خۆیداو منەمنکاری لەگۆڕدەنێ و یەکێتییبوون لەهزرو ئەندێشەدا دەکات بە جێگرەوەو سیاسەتی ڕۆژو ستراتیژی خۆی ڕوون و ڕوانتر لەپێناو خزمەتکردنی کۆمەڵانی خەڵک دادەڕێژێتەوە.
ئەوەی نەیتوانی لەواقیع تێبگاو ڕاستی ببیستێ، ناتوانێ بەرگەی تێکشکانی وەهەمەکانیشی بگرێت!
PUKMEDIA
هەواڵی زیاتر
-
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
12:50 PM - 2024-05-19
ئەمانەش ببینە
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
زۆرترین خوێنراو
-
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19