یەکێتی شۆڕشی راستکردنەوەی حکومڕانی نەوت و غازی دەستپێکردوە
کوردستان 05:50 PM - 2023-08-02بەشداری سەرۆک بافڵ لە گفتوگۆی رەشنووسی یاسای نەوت و غاز
ستراتیژی یەکێتی بۆ کەرتی نەوت و غاز لە هەرێم و عیراق خستنەوە خزمەتی خەڵکە، چونکە پێی وایە ئەوە رێگە راستەکەیە، یەکێتيی نیشتمانيی کوردستان شۆڕشی راستکردنەوەی حوکومڕانی نەوت و غازی لە هەرێم و عیراق دەستپێکردوەو لەو چوارچێوەیەشدا ئەمڕۆ 2-8-2023 بافڵ جەلال تاڵەبانی سەرۆکی یەکێتیی نیشتمانیی کوردستان لە بەغدا بەشداری کرد لە گفتوگۆی رەشنووسی یاسای نەوت و غاز لە عیراق و رایگەیاند: "پێویستە بەربەستەکانی بەردەم یاساکە لەسەر بنەمای سازان و لێکتێگەیشتن تێپەڕێنین و جارێکی دیکە نەوت و غاز بخەینەوە خزمەت خەڵک و بۆ سەقامگیری ئابوری و کۆمەڵایەتی و سیاسی و ئاوەدانکردنەوەی وڵات بەکاربهێنرێت".
بەشداری سەرۆک بافڵ گرنگی و رۆڵی یەکێتی نیشاندەدات
رێبوار محەمەد خاوەنی بڕوانامەی ماستەر لە گرێبەستی نەوت و غاز و راوێژکاری
مەکتەبی راگەیاندنی یەکێتی بۆ وزە بە سایتی رەسمی یەکێتیی نیشتمانیی کوردستان PUKMEDIA ی راگەیاند:
"بەشداری سەرۆکی یەکێتیی نیشتمانیی کوردستان لە گفتوگۆی رەشنوسی یاسای نەوت و
غاز لە عیراق، گرنگی و رۆڵی یەکێتی نیشاندەدات، هەم لەسەردەمی سەرۆک مام جەلال و
هەميش لەئێستادا ".
"هەڵوێستی نیشتمانيی یەکێتی لەئێستاو لە رابردوودا بۆ نەوت و غاز، کە خۆی لە خستنەوە خزمەتی نەوت و غاز بۆ خەڵک
دەبینێتەوە، ئەو ستراتیژەیە کە لە ئێستادا عیراق پێویستی پێیەتی و پێویستە لە
سایەی یاسای نەوت و غازدا سەقامگیری زیاتری ئابوری و کۆمەڵایەتی و سیاسی
بەدیبهێنرێت"، رێبوار محەمەد وای وت.
یاسای نەوت و غاز قۆرخکاری ناهێڵێت
یاسای نەوت و غاز سەبەتەی داهاتی کەرتی وزەی هەرێم و عیراق یەکدەخات و
کۆتایی بە قۆرخکاری دەهێنێت و وادەکات خەڵکی هەرێمی کوردستان لەو وزە زۆرەی عیراق
بەشداربن.
بەهجەت ئەحمەد راوێژکاری مەکتەبی راگەیاندنی یەکێتی بۆ وزە بە سایتی رەسمی
یەکێتیی نیشتمانیی کوردستان PUKMEDIA ی راگەیاند: "چۆن لە رابردوودا سەرۆک مام جەلال رۆڵی کارای بینی لە نوسینەوەی
دەستووری عیراقدا، لە ئێستاشدا سەرۆک بافڵ رۆڵی کارا دەبینێت لە یاسای نەوت و غازی
عیراق، کەلەدوای دەستوور بە گرنگترین یاساکانی عیراق هەژماردەکرێت، چونکە ئەم
یاسایە وادەکات قۆرخکاری لەکەرتی وزەی هەرێم و عیراقدا نەمێنێت".
"دوای بڕیارەکەی دادگای فیدراڵی لە 15-2-2022 سەبارەت بە کۆتایی هاتنی
یاسای نەوت و غازی هەرێمی کوردستان، لەئێستادا هەرێم لە بۆشایی یاسایی نەوت و غازدایە
و یەکێتیی نیشتمانیی کوردستانیش هەوڵەکانی خستوەتەگەڕ کە لەژێر یاسایەکی مەرکەزیدا
ئەو هەڵانە راست بکاتەوە کە پێشتر لەکەرتی نەوت غازدا هەیبووە، ههروهها یاساكه وادهكات سەبەتەی داهاتی نەوت
و غازی هەرێمی کوردستان تێکەڵ بە سەبەتەی داهاتی عیراق بکرێت و خەڵکی هەرێمی
کوردستان بێ منەتانە لەو وزە زۆرەی کەلە عیراقدا هەیە سودمەندبن"، بەهجەت
ئەحمەد وای وت.
راستکردنەوەی حکومڕانی نەوت و غاز ستراتیژی یەکێتییە
هاتنە کایەی یاسای نەوت و غاز لە عیراق، دەبێتە هۆی رێگریکردن لە بە قاچاغبردنی
نەوت و غاز و دەستبەسەرگرتنی کێڵگە نەوتییەکان لەلایەن کۆمپانیا و شەخس و کەرتی
تایبەتەوە، هەروەها رێگری دەکات لەوەی كە خەرجی زۆر بدرێت بە کۆمپانیاکان، وەک ئەوەی
لە رابردوودا لەهەناردەی نەوتی هەرێمی کوردستاندا دەبینرا، لەگەڵ ئەوەشدا یاساکە
کەرتی نەوت و غاز و داهاتی هەرێم و عیراق یەکدەخاتەوە.
PUKMEDIA
هەواڵی زیاتر
-
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
12:50 PM - 2024-05-19
ئەمانەش ببینە
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
زۆرترین خوێنراو
-
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19