یەكێتی بە میكانیزمێكی نوێ خزمەتی وەرزشكاران دەكات
چاوپێکەوتن 10:29 AM - 2022-11-17سەرتیپ عەلی لێپرسراوی بۆردی وەرزشی یەكێتیی نیشتمانیی كوردستان
یەكێتیی نیشتمانیی كوردستان لەدوای كۆنگرەی چوارهەمەوە گرنگییەكی بەرچاوی بەچینی گەنجانداوە بەتایبەت لە بواری وەرزشدا، لەو چوارچێوەیەشدا لەسەر داخوازی وەرزشكاران و پسپۆڕانی ئەو بوارە بۆ یەكەمجار لە مێژووی یەكێتی دا بۆردێكی تایبەت بە وەرزش و وەرزشكاران دامەزرا.
بۆردەكە پشتیوانێكی گرنگی سێكتەری وەرزشە لە هەرێمی كوردستان و ئامانجی خزمەتكردنە بەوەرزشوانان و بەهێزكردنی ژێرخانی وەرزشی و پشتیوانی كردنە لە دامەزراوە وەرزشییەكان.
بۆردی وەرزشی بەدەم داواكاری وەرزشوانان و یانەكانەوە دەچێت
سەرتیپ عەلی لێپرسراوی بۆردی وەرزشی یەكێتیی نیشتمانیی كوردستان لە دیدارێكی تایبەتدا بۆ سایتی رەسمی یەكێتیی نیشتمانیی كوردستان PUKMEDIA رایگەیاند: "بۆردی وەرزشی بەرپرسیاریەتییەكی گەورەی هەیە و كەرتێكی گرنگی كۆمەڵگەیە و هەر یانە و یاریزانێك كە داوای هاوكاری دەكەن بۆردەكە وەك سیاسەتی سەرۆك مام جەلال بەبێ جیاوازی رەنگ و بیروڕا بەدەمیانەوە دەچێت".
یەكێتی هەمیشە هاوكاری یانە وەرزشییەكان بووە
لێپرسراوی بۆردی وەرزشی یەكێتی دەشڵێت: "لە دوای راپەڕینەوە هەمیشە یەكێتیی نیشتمانیی كوردستان هاوكاری یانە وەرزشییەكانی كردووە، بەڵام باشتروایە كە یانەكان پلانێكی ستراتیجی و ئیداری و دارایی خۆیان هەبێت تا بتوانن لەسەر پێی خۆیان رابوەستن و چیتر لەدەرگای ئەموو ئەو نەدەن، پێویستە حكومەتی هەرێم و بەتایبەتی پەرلەمان یاسای تایبەتیان بۆ دەربكات بۆ ئەوەی بتوانن بە جۆرێك لە جۆرەكان لەگەڵ كەرتی تایبەتدا هەماهەنگییان هەبێت بۆ ئەوەی داهاتی خۆیان هەبێت".
وەرزش و سیاسەت پەیوەندییان بەیەكەوە هەیە
"وەرزش و سیاسەت بە جۆرێك لە جۆرەكان پەیوەندییان بەیەكەوە هەیە، بەشێوەیەك زۆرجار وەرزشوانان هاوخەمی و پشتیوانی خۆیان بۆ وڵاتێك دەردەبڕن یاخود زۆرجار هەندێك وڵات بەهۆی كێشە سیاسییەكانەوە سزای وەرزشی دەدرێت و ناتوانێت بەشداری چالاكییە وەرزشییەكان بكات، كەواتە وەرزش و سیاسەت پەیوەندیان بەیەكەوە هەیە، لەهەمان كاتدا پێویستە سیاسییەكان كەدەچنە حكومڕانییەوە و دەبن بە كاربەدەست كەرتی وەرزشی وەك كەرتەكانی تر پێشوازی لێبكەن" سەرتیپ عەلی وادەڵێت.
بۆردی وەرزشی لەدوای كۆنگرەی چوارهەمی یەكێتییەوە پەسەند كراوە و بەپێی پەیڕەو بۆرد هەیكەلییەتی هەیە و چەند ئەندام مەكتەبێك بەڕێوەی دەبەن، لە بەشەكانی وەرزشی ئۆڵۆمپی، یەكێتییە وەرزشییەكان، وەرزشی حكومی و پارا ئۆڵۆمپی كە تایبەتە بەوەرزشی خاوەنپێداویستی تایبەت، بەشی پەیوەندیەكان و راگەیاندن، مەلەفی بەغدا و تۆپی پێ و بەشی وەرزشی مەڵبەندەكان، بەشی وەرزشی كچان و ژنان، تیپە میلییەكان پێكهاتووە.
PUKMEDIA لە چەند رۆژی داهاتوودا تەواوی دیدارەكەی لەگەڵ سەرتیپ عەلی لێپرسراوی بۆردی وەرزشی یەكێتیی نیشتمانیی كوردستان بڵاودەكاتەوە.
PUKMEDIA
هەواڵی زیاتر
-
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
12:50 PM - 2024-05-19
ئەمانەش ببینە
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
زۆرترین خوێنراو
-
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19 -
٧٤ هەمین هەفتانەی دیجیتاڵی ئینگلیزی بڵاودەكرێتەوە
جیهان 09:02 AM - 2024-05-19 -
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
کوردستان 09:34 PM - 2024-05-18 -
وەزیری رۆشنبیری: ئێستا جاسوسی بە ئاشکرا دەکرێت
کوردستان 09:26 PM - 2024-05-18