مووچەی فەرمانبەران ،نەک شەڕی ڕاگەیاندن !
بیروڕا 06:56 PM - 2024-03-22
لەتیف نێروەیی
چەند ڕۆژێکە بەبێ ڕەچاوکردنی مانگی رەمەزانی پیرۆز کەمانگی خێرو ئاشتی و لێبوردەییە ،هەروەها بەبێ رەچاوکردنی جەژنی نەورۆز کە جەژنی نەتەوەیی و هێمای یەکڕیزی وتەبایی گەلی کوردستانە ،هەروەک بەبێ رەچاوکردنی ئەو هەل و مەرجە هەستیارەی کە هەرێمی کوردستانی پیایدا تێدەپەڕێت، هەڵمەتێکی توندی ناڕەواو بێ ماناو بەزمانێکی زبر لەدژی یەکێتیی نیشتمانیی کوردستان دەستی پێکردووە ، لەسەر ئەو هەڵمەتە ئێمە بە گیانێکی بەرزی بەرپرسیارانەوە خۆمان لەوەڵامدانەوەی ئەو جۆرە پەیامانە دورەپەرێز دەگرین و وەڵامیان نادەینەوە . چونکە لەلایەکەوە قۆناغە پێویستی بەیەک ریزی و تەبایی و رێکخستنی ناو ماڵی کورد هەیە بۆئەوەی پێکەوە رووبەرووی ئاڵنگاریەکان ببینەوە ،لەلایەکی دیکەوە ئەوانەی هەڵمەتەکەیان دەستێکردووە، لەو تیپە وەرزشییە دەچن کە دڵنیان لەوەی ناتوانن یاریەکە ببەنەوە و ئەنجامی یارییەکە بەشكستی خۆیان کۆتایی پێ دێت ،بۆیە هەوڵی تێکدانی یارییەکە دەدەن ، بۆ ئەو مەبەستە گێچەڵ بە حەکەم و چاودێرانی یارییەکە دەکەن و هەوڵیش دەدەن شەربە کابتن و یاریزانانی تیپەکەی بەرامبەر بفرۆشن تاوەکو یارییەکە تێکبدەن . بۆیە ئێمە وەکو میدیای یەکێتی دانبەخۆماندا دەگرین و وناکەوینە ژێرکاریگەری ئەو جۆرە پەیامانە و بێ دەنگی هەڵدەبژێرین .
جگە لەوە ئەوەی بەلای ئێمەوە گرنگە تەنها دابەشكردنی مووچەی فەرمانبەرانی هەرێمی کوردستان و ئەنجامدانی هەڵبژاردنێکی پاک وبێگەردە لەکاتی دیاریکراوی خۆیدا بۆئەوەی کۆتایی بەو مەترسی و ئاڵنگاریانە بێنێت کە رووبەرووی هەرێمی کۆرستان بونەتەوە ، نەک سەرقاڵکردن و بێزارکردنی هاوڵاتیانی هەرێم بەپەیامی زبری بێ مانا .چونکە هاوڵاتیانیش چاویان لە وەرگرتنی مووچەی خۆیانە ،نەک لە پەیامی توندو شەری راگەیاندن .
بەسەرچوونی زمانی زبرو چەواشەکارانە
. راستییەکی دیکەش هەیە کە سەردەمی زمانی زبرو پەیامی ناراست و چەواشەکاری بەسەرچووەو هاوڵاتیان ناکەونە ژێرکاریگەری ئەو جۆرە پایامانە ،بەڵگەش بۆ ئەو راستییە ئەنجامی هەڵبژاردنی ئەنجومەنی پارێزگای کەرکوکە. چونکە ئەگەر بەپەیامی زبرو ناوزراندن بووایە ئەوا لەهەڵبژاردنی ئەنجومەنی پارێزگاکانی عيراقدا ، دەبووایە لایەنێکی سیاسی کوردستانی هەموو کورسییەکانی پارێزگای کەرکوک وناوچەدابرێراوەکانی دیکەی ببردایەتەوە، یان ئەگەر بەبڵاوکردنەوەی پەیام و هەواڵی ناراست و چەواشەکاری بووایە ئەوا دەبووایە لایەنێکی دیکەی کوردستانی هەموو کورسییەکانی کەرکوکی بۆخۆی مسۆگەربکردایە ،بەڵام ئەنجامەکان دەریانخست کە جەماوەری کوردستان وشیارەو نەک ناکەوێتە ژێرکاریگەری ئەو جۆرە پەیامانەوە ،بەڵکو بێزاربووە لەو جۆرە پەیامانە و باکارهێنانی کارتی زمانی زبرو ناوزراندن ،یان بەردەوامبوون لەسەر بڵاوکردنەوەی پەیامە ناراست و چەواشەکارییەکان لە هەڵبژاردنی داهاتووی پەرلەمانی کوردستاندا دوو کارتی خەوش و سوتاو دەبن .
PUKMEDIA
هەواڵی زیاتر
-
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
01:13 PM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19
زۆرترین خوێنراو
-
سەرۆککۆماری عیراق: پشتیوانی گەلی ئێرانین لەم بارودۆخە سەختەدا
عیراق 11:35 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
جیهان 10:46 AM - 2024-05-20 -
یەکێتی سەرەخۆشی لە کۆماری ئیسلامی ئێران دەکات
ی ن ک 10:26 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
کوردستان 10:07 PM - 2024-05-19 -
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
کوردستان 09:45 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19