نەورۆز لە چەند وێستگەیەكی جیاوازی ژیانمدا
بیروڕا 05:30 PM - 2024-03-20
عیماد ئەحمەد
ئەم بیرەوەرییە لە ساڵی 2022 یاداشتكرا لەمڕۆشدا دووبارەی دەكەینەوە بە هیوای سودبەخشین
سەرەتای شەستەكانی سەدەی رابردوو، لە یادی نەورۆزی ئەو ساڵانەدا، مێرمنداڵ بووم. لە گەڕەكی جەلەوەی شاری خانەقین دەژیام. بە خەیاڵێكی كوردانەوە لەگەڵ خەڵكی گەڕەكدا، بە ژن و پیاوەوە بە گەورە و بچووكەوە دوای خاڵۆ فرە بەهرەكەم، *مامۆستا موحسین* ئەكەوتین و بە دەنگی بەرز، لە قەراخ هاژەی رووباری ئەڵوەن، هاوارمان دەكرد:
*ئیمڕۆ رۆژی خۆشییە! كاوە زوحاك كوشتییە!*
ساڵی 1970 هەرزەكار بووم، یادی نەورۆز لە تەیارەخانەی شاری خانەقین سازكرا، یەكێك لە سونبولەكانی كوردایەتی لە شاری خانەقین *مامۆستا عەزیز پشتیوان* بوو. ئەو بە دەنگە پڕ سۆز و زوڵاڵەكەی، بە دەستە راستە پڕ ئاماژەكەی هاواری دەكرد: *یان كوردستان یان نەمان!* ئەم دروشمە وەكوو برووسكەیەك لە ناخماندا دەنگیدایەوە و بووە وزەیەكی هەتاهەتایی كوردایەتی بۆ خەڵكی شارەكەم.
ساڵی 1984، كە لە هەڕەتی گەنجایەتیدا بووم، یادی نەورۆز لە سوورداش ساز كرا، بە ئامادەبوونێكی جەماوەریی بێوێنەی خەڵكی كوردستان و بە وتە پڕ جۆش و خرۆشەكەی هەڤاڵ *مام جەلال*، كە دەیفەرموو: *جەماوەری لەبننەهاتووی یەكێتی!* دڵنیایی بەسەر خەڵكی كوردستانا دەباراند و نەورۆز و پێشمەرگە و خەڵك ئاوێتەی یەكبوون.
ساڵی 2012 قۆناخی كامڵبوونی دید و تێڕوانین و تێگەیشتنم بوو، بۆ یادی نەورۆز. كاك دلێری سەید مەجید، مامەخەمەی هەمووان، كۆمەڵێك هاوڕێ و كەسوكاری هەر دوولامان، لە كانیماسیی قەراغی شاری سولەیمانی، میوانداریی كردین و بە دیار ئاگرێكی گەورەوە و بە دەنگی زوڵاڵ و بەرزی *حەسەن زیرەك* سروودی: *ئەم ڕۆژی ساڵی تازەیە نەورۆزە هاتەوە...* ئێوارەی نەورۆزمان بەسەر برد. دڵۆپدڵۆپ خۆشەویستی و خۆشی دەڕژایە ناخی دەروونمانەوە.
*ساڵی 2022 لە سێبەری رەشماڵی پایزیی تەمەندا، یادی نەورۆز یادێكی یەكجار جیاواز لە جاران دەبینم. پەرتەوازەیی زۆر و یەكڕیزی زۆر كەم.*
*هیوا كەم و نائومێدی زۆر!*
*بورجی عاج زۆر و دادپەروەری زۆر كەم!*
*كاوە كەم و زوحاكیش زۆر!*
PUKMEDIA
هەواڵی زیاتر
-
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19
زۆرترین خوێنراو
-
قوباد تاڵەبانی: ئێستا یەکێتی سیاسەتێکی روونی هەیە
کوردستان 06:12 PM - 2024-05-19 -
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
کوردستان 05:31 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
کوردستان 02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19