Kerkûk nasnameya Kurdbûnê ye
Nêrîn 03:45 PM - 2023-12-09
Ev çend rojin bangeşeya hilbijartina parêzgar û encûmenên parêzgehan li Êraqê bi giştî destpê kiriye, lê ya ku bala mirov dikşîne hevrikiya mezin ya vê bangeşeyê (propagandeya hilbijartinê) li bajarê Kerkûkê birêve diçe ku têde (Kurd û Ereb û Tirkuman) hevrikiyeke xurt dikin ji bo bidest xistina erkê parêzgar (waliyê) wî bajarî û endamên encûmena parêzgehê.
Bi dirêjahiya dîrokê plan li ser bajarê kerkûkê berdewam bûne û dijminan her xwestiye nasnameya wê biguherin û wê ji kurdbûnê û ji kurdistanîbûna wê derxin. Lê kurdên bajarê Kerkûkê li berxwe dan û rê nedan dijminan û nehezan nasnameya wan bê guhertin, bi saya serê rewşenbîr û wêjevan û helbestvan û şoreşgerên şoreşa nû ya Yekîtiya Nîştimanî ya Kurdistanê ew bajarê dîrokî ji te`rîbê û Tetrîkê û Tefrîsê hate parastin û heta roja îro ew bajar liberxwe dide kurdbûna xwe diparêze.
Her çiqas ez bi xwe xelkê bajarê Efrînê yê Rojavayê Kurdistanê me û îro Efrîna me di bin dagîrkeriyê de ye û bi Te`rîbê û Tetrîkê re rû bi rû ye, lê ez bi coşa bangeşeya hilbijartinê û ruhê kurdbûnê ya xelkê Kurd li Kerkûkê ya ku hizba rewanşad Mam Celal Talebanî (Yekîtiya Nîştimanî ya Kurdistanê YNK`ê) bi serokatiya kurê wî Bafil Celal Talebanî tê meşandin birasît coşekê dide min jî û hemû kurdên herçar parçeyên Kurdistanê di wê baweriyê de ne ku Kerkûk wê li hember hemû êriş û planên dijminan û nehezan wê biserkeve. Her weha ez di wê baweriyê de me jî ku Efrîn û Serêkaniyê jî wê vegerin hembêza gelê Kurd.
Bi dîtina min bi serkeftina Kerkûkê û derxistina wî bajarî ji destên erebên şofînî, Kurdistanîbûna Kerkûkê wê were parastinê, her weha wek rewanşad serok Mam Celal gotibû, "Kerkûk Qudsa Kurdistanê yê" wate çawa Filistîn bê Quds nabe Filistîn her weha Kurdistan jî bê Kerkûk nabe Kurdistan. Divê em hemû Kurd piştevaniya xelkê Kerkûkê bikin daku biserkevin. Her weha Serokê YNK`ê Bafil Celal Talebanî jî tekez li wê yekê dike û dibêje; "Me Kerkûk di dilê xwe de hilgirtiye û xeta sore li ba me û çawa me Kerkûk ji DAIŞ`ê parast vê carê jî emê bi dengdanê Kerkûkê ji te`rîbê biparêzin."
Kerkûkê gelek qurbanî dan heta ku kurdbûna xwe parastin û heya roja îro jî dide li hember zevtkirina erd û zeviyên wan û dixwazin ji kurdistanîbûnê dûrxînin her çend Kurd bi biratiyê û pêkvejiyanê bang dikin lê şofînîstên ereb wê yekê red dikin. Îro bi dengê xwe û çûyîna ser sindoqên dengdanê û bi awayekî demokratîk ewê biser bikevin û Kerkûkê vegerînin hembêza Kurdistanê.
Nivîs: Dawûd Çîçek
9/12/2023 Silêmanî
XELAT
zêtir bibînin
-
Encumena Nûneran dê hefteya bê serokê xwe hilbijêre
04:50 PM - 2024-05-09 -
Hêzên Dijî Terorê û Koalîsyonê 3 terorîst girtin
11:40 PM - 2024-05-08 -
Serok Bafil ji Dengê Amerîka re got: Hêzên Amerîkî yekser ji Îraqê dernakevin
10:58 PM - 2024-05-08 -
Daxwazên bazirganên bazara Qeyser li Hewlêrê rewa ne
09:22 PM - 2024-05-08
zortrin xwendraw
-
Serok Bafil: Baweriya min bi diyaloga bi dijminan re heye
Kurdistan 09:08 PM - 2024-05-08 -
Îstiqrar û rêveberiya saxlem helwesta me ya neguherbar e
Kurdistan 06:04 PM - 2024-05-08 -
Serok Bafil li Washington: Em piştgiriya çaksazî û yekxistina hêzên Pêşmerge dikin
Kurdistan 03:43 PM - 2024-05-08 -
Berpirsê navenda yasayî: Nêta Partî paşxistina hilbijartinan e
Kurdistan 10:28 AM - 2024-05-09 -
Berdevkê YNKê: Tenê partiyek hilbijartinan naxwaze
Kurdistan 06:21 PM - 2024-05-08 -
Daxwazên bazirganên bazara Qeyser li Hewlêrê rewa ne
Kurdistan 09:22 PM - 2024-05-08 -
Çar bazirganên narkotîkê yên navneteweyî hatin girtin
Êraq 09:15 PM - 2024-05-08 -
Talebanî: Ez spasiya hewlên balyozê Spanyayê dikim
Kurdistan 06:27 PM - 2024-05-08