کاپتنە کوردەکەی عیراق؛ بۆ یاری کوەیت ئامادەین

کاپتنە کوردەکەی هەڵبژاردەی فۆتساڵی کچانی عێراق ئامادەی هەڵبژاردەکەی بۆ یاری نیوەی کۆتایی هەڵبژاردەکەی لە پاڵەوانێتی خۆرئاوای ئاسیا  لە بەرامبەر کوەیت راگەیاند.

دانا دارا ؛ کاپتنی هەڵبژاردەی فۆتساڵی عیراق لە شاری جدەی وڵاتی سعودیەوە رایگەیاند، هەلبژاردەکەیان ئیرادەو ورەیەکی بەهێزیان هەیە پاش سەرکەوتنە گەورەکەیان بەرامبەر فەلەستین و گەیشتن بە نیوەی کۆتایی پاڵەوانێتییەکە.

کاپتنە کوردەکە وتیشی ، ئێستا عیراق ناوێکی بەهێزەو هەمووان حسابی بۆ دەکەن پاش ئەوەی بۆ یەکەمجار لە مێژوودا گەیشتە نیوەی کۆتایی کە بڕیارە رۆژی چوارشەممە بەرامبەر کوەیت لەو قۆناغەدا یاری بکەن .

جێگەی بیرهێنانەوەیە ، لە پێکهاتەی هەڵبژاردەکە ٩ کچە یاریزانی کوردی تێدایە .

تایبەت : هەرێز جەمال