سیروانی نوێ باشترینەکانی خولی نایابی کوردستانیان كۆنترۆڵ كرد

هەریەك لە ( ڕزگار عەلی ) وەك باشترین ڕاهێنەر و ( ئاریان جەوهەر ) وەك باشترین یاریزان و ( ئەحمەد بەشار ) وەك باشترین گۆڵپارێز لە یانەی سیروانی نوێ بە باشترینەکانی خولی نایابی کوردستانیان بۆ وەرزی 2021 _ 2022 دەسنیشانکران . بەدەنگی 15 راهێنەر و 15 کاپتنی خولی نایاب و 18 دەزگا راگەیاندن ئەوانەی رووماڵی خولەکانی کوردستان دەکەن هەڵبژێردران.  

یەکێتی تۆپی پێی کوردستان ئامادەکاری بۆ ئەنجامدانی مەڕاسیمێکی گەورە كردبوو بەڵام بە هۆی کۆچی دوایی ناوەختەی  سکرتێری یەکێتیەکە  مامۆستا ( سەلام حوسێن )  هیچ جۆرە مەڕاسیم و بۆنە و دابەش کردنی خەڵات ئەنجام نادەن  ، دواتر خەڵاتەکان بە تایبەت بۆ باشترینەکان دەنێردرێت . 

هەرسێ یاریزان ( سەفین فایەق ) لە یانەی سەیدسادق و ( دانا عوسمان ) لە یانەی پێشمەرگەی هەولێر و ( هێمن فەرەج ) لە یانەی نەورۆز بە تۆمارکردنی ( 10 ) گۆڵ، بە  گۆڵکاری خولی نایابی کوردستان بۆ وەرزی 2021 _ 2022 دەستنیشانکران.

راگەیاندنی یەکێتی تۆپی پێی کوردستان