هه‌موو شتێك له‌سه‌ر بیره‌كه‌ى مێسى

وەرزشەکانی تر‌ 11:02 AM - 2020-12-28

 

كۆمپانیای بودوایزەری ئەمریكی كە تایبەتە بە وەبەرهێنانی خواردنەوەی بیرە بەشێوەیەكی جیاواز و ناوازە رێزی لە لیۆنێل مێسی ئەستێرەی تۆپی پێ ناوە، ئەمەش دوای ئەوەی ریكۆردە مێژووییەكەی پێلێی ئەفسانەی شكاند.

 

مێسی لە یاری رابردووی یانەكەی توانی گۆڵێك بكات و ژمارەی گۆڵەكانی بە درێسی یانەی بارسێلۆنا بگەیەنێتە 644 گۆڵ لەسەرجەم پاڵەوانێتییەكان، بەمەش ریكۆردی پێلێی لەگەڵ یانەی سانتۆس شكاند و بووە یەكەم یاریزان لە مێژووی تۆپی پێ ئەو ژمارە گۆڵە بۆ یانەیەك بكات.

 

دوای تۆماركردنی ئەو ریكۆردەش كۆمپانیای بودوایسەر كە یەكێكە لە سپۆنسەرەكانی مێسی بەشێوەیەكی سەرنجڕاكێش رێزی لەو ئەستێرەیە نا، ئەویش لە رێگەی دروستكردنی 644 بیرەی تایبەت.

 

هەریەك لەو بیرانە وێنەی مێسی و ریكۆردەكەی لەسەرە لەگەڵیشدا ژمارەی گۆڵەكەی لەسەرە و كۆمپانیایەكە ناردویەتی بۆ ئەو گۆڵپارێزانەی كە مێسی گۆڵی لێكردون.

 

ژمارەی ئەو گۆڵپارێزانەی مێسی گۆڵی لێكردون 160 گۆڵپارێزە واتە مێسی 644 گۆڵەكەی لە 160 گۆڵپارێز كردوە بەمەش هەر گۆڵپارێزەو چەند گۆڵی لێكراوە هێندە بیرەی بۆ رۆیشتووە، بەمەش بەشێك لە گۆڵپارێزان لەوی تر زیاتریان بۆچووە.

 

بەپێی ئامارەكانیش دیگۆ لۆپێزی گۆڵپارێزی پێشووی یانەی ڤالێنسیا كە ئێستا لە خولی بەرازیل یاری دەكات زۆرترین بیرەی بۆ رۆیشتوە كە مێسی 21 گۆڵی لەو گۆڵپارێزە كردوەو دوای ئەویش گۆركا ئەرایزۆزی گۆڵپارێزی پێشووی بیلباو دێت كە 19 بیرەی بۆ چووەو پلەی سێیەمیش بۆ ئیكەر كاسیاسە كە 17 بیرەی بۆ رۆیشتوە.

 

ئەوەی جێگەی سەرنجیشە ئەو گۆڵپارێزانە ئەو دیارییەیان بە شانازی و گیانی وەرزشیەوە وەرگرتوەو وێنەیان لەگەڵ كردوە كە بووەتە جێگەی باس و خواسی تۆڕە كۆمەڵایەتیەكان.

 

جیانلویجی بۆفۆنی گۆڵپارێزی یانەی یۆڤانتۆس كە مێسی 2 گۆڵی لێكردوە وێنەی خۆی لەگەڵ 2 بیرەكە بڵاوكردۆتەوە كە ژمارەی 514 و 515ی لەسەرە وەكو ئاماژەی بە زنجیرەی ئەو 2 گۆڵە لە گۆڵەكانی مێسی.

 

بۆفۆن سەبارەت بەمە نووسیویەتی: سوپاس بۆ بیرەكە، ئەمە وەكو موجامەلەیەك سەیر دەكەم، لەماوەی ساڵانی رابردو ركابەری بەهێز لە نێوانمان هەبووە، پیرۆزباییت لێدەكەم بۆ ریكۆردەكە ئەمە دەستكەوتێكی ناوازەیە.

 

لای خۆشییەوە یان ئۆبلاكی گۆڵپارێزی ئەتلەتیكۆ مەدرید وێنەی 3 بیرەی بڵاوركردۆتەوە كە كۆمپانیایەكە بۆی ناردوە كە مێسی 11 گۆڵی لەو گۆڵپارێزە كردووەو كیپای گۆڵپارێزی چێڵسی وێنەی 2 بیرەكەی كە بۆی رۆیشتوە بڵاویكردۆتەوە.

 

سەرەڕای ركابەری بەهێزی نێوانیشیان لەماوەی ساڵانی رابردوو ئیكەر كاسیاس كە جێگەی باس و خواسی تۆڕە كۆمەڵایەتیەكان بوو وێنەیەكی خۆی لەگەڵ یەكێك لە بیرەكان بڵاوكردۆتەوەو هاندەرانیش ئەو وێنەیەیان بەكارهێناوە بۆ نوێ كردنەوەی دژایەتی مێژوویی نێوان هەردوو یانە.

 

له‌ ستادیۆمه‌وه‌

ئەمانەش ببینە

زۆرترین خوێنراو