دوو تیرۆریست بۆمبیان پێدا ده‌ته‌قێته‌وه‌

له‌كاتی دانانی بۆمبدا پێیاندا ده‌ته‌قێته‌وه‌

له‌كاتی بۆمبڕێژكردنیدا، ماتۆڕسكیلێك به‌دوو تیرۆریستدا ده‌ته‌قێته‌وه‌و یه‌كێك له‌تیرۆریسته‌كان ده‌كوژرێت.

عه‌مید سه‌رحه‌د قادر به‌ڕێوه‌به‌ری پۆلیسی قه‌زا و ناحیه‌كانی كه‌ركوك پێی راگه‌یاندین: پاشنیوه‌ڕۆی ئه‌مڕۆ 19-5 له‌گوندی نویشینی سه‌ر به‌ناحیه‌ی ریاز كه‌ ده‌كه‌وێته‌ نێوان هه‌ردوو ناحیه‌ی ره‌شاد و ریاز له‌قه‌زای حه‌ویجه‌، له‌كاتێكدا كه‌ دوو تیرۆریست سه‌رقاڵی بۆمبڕێژكردنی ماتۆڕسكیلێك بوون به‌خۆیاندا ته‌قیوه‌ته‌وه‌و به‌هۆیه‌وه‌ یه‌كێك له‌تیرۆریسته‌كان كوژراوه‌ به‌ناوی (سایر مه‌حمود شه‌حازه‌ ئه‌لعه‌سافی) و ئه‌وی تریشیان برینداربووه‌.

وتیشی ئه‌و تیرۆریستانه‌ داواكراون و بۆ خۆحه‌شاردان له‌ده‌ستی هێزه‌ ئه‌منییه‌كانی كه‌ركوك له‌و ناوچه‌یه‌ ژیاون كه‌ ده‌كه‌وێته‌ ژێر ده‌سه‌ڵاتی سوپا و هێزه‌كانی سه‌حوه‌وه‌.

PUKmedia كه‌ركوك/ عومه‌ر غه‌ریب