گه‌وره‌ترین باخچه‌ی گوڵ له‌ جیهاندا

باخچه‌ی كویكن هوف

باخچه‌ی (كویكن هوف) واتا (باخچه‌ی چێشتخانه‌) به‌ زمانی هۆڵه‌ندی وه‌ ناوێكی تریشی هه‌یه‌ كه‌ پێی ده‌ڵێن (باخچه‌ی ئه‌وروپا) ئه‌مه‌ش به‌م هۆیه‌وه‌ ناونراوه‌ چونكه‌ به‌ گه‌وره‌ترین باخچه‌ی گوڵ داده‌نرێت له‌ جیهانداو له‌كیشوه‌ری ئه‌وروپادا، ئه‌و باخچه‌یه‌ ده‌كه‌وێته‌ نزیك شارۆچكه‌ی (لیسه‌) له‌ باشوری وڵاتی هۆڵه‌ندا.

به‌پێی سه‌رچاوه‌كانی ماڵپه‌ری ره‌سمی باخچه‌كه‌ ده‌ریخستووه‌ كه‌وا ساڵانه‌ نزیكه‌ی حه‌وت ملیۆن بنه‌گوڵ یاخود شه‌تڵی گوڵی تێدا ده‌چێندرێت، وه‌ رووبه‌ری باخچه‌كه‌ 32 هێكتاره‌ كه‌ ده‌كاته‌ 128 دۆنم.

باخچه‌ی كویكن هوف، ساڵانه‌ له‌ ماوه‌ی نێوان ناوه‌ڕاستی مانگی ئازار تا ناوه‌ڕاستی مانگی ئایار ده‌كرێته‌وه‌، كه‌ئه‌مه‌ش باشترین كاته‌ بۆ بینینی گوڵ و خونچه‌گوڵ.

PUKmedia     ئا / به‌یار خالید به‌كر