ده‌ستبه‌سه‌ر سێ پارچه‌ شوێنه‌واردا ده‌گیرێت

وێنه‌ی سێ پارچه‌ شوێنه‌واره‌كه‌

ئاسایشی شاره‌زوور ده‌ستبه‌سه‌ر سێ پارچه‌ شوێنه‌واردا ده‌گرێت كه‌ له‌لایه‌ن هاووڵاتییه‌كی ئێرانییه‌وه‌ به‌نایاسایی هێنراوه‌ته‌ هه‌رێمی كوردستان.

به‌پێی راگه‌یاندراوێكی به‌ڕێوه‌به‌رایه‌تی ئاسایشی شاره‌زوور كه‌ كۆپیه‌كی بۆ PUKmedia نێردراوه‌، هاتووه‌، به‌پێی زانیارییه‌كانی پێشوه‌خت، هێزه‌كانی ئاسایشی بنكه‌ی ته‌وێڵه‌، توانیان له‌ 29-3 كه‌سێكی ئێرانی به‌ناوی ( ا.ا.س ) ده‌ستگیر بكه‌ن كه‌ 3 پارچه‌ شوێنه‌واری كۆنی پێبووه‌و ئه‌و كه‌سه‌ خۆشی به‌ نایاسایی هاتووه‌ته‌ هه‌رێمی كوردستانه‌وه‌.

به‌بڕیاری دادوه‌ری لێكۆڵینه‌وه‌ی ئاسایشی شاره‌زوور به‌پێ هه‌ردوو مادده‌ی 24 ی (اقامه‌ الاجانب) و مادده‌ی 44 له‌ یاسایی شوێنه‌وار، بڕیاری راگرتنی تۆمه‌تباره‌كه‌ دراوه‌و دانیناوه‌ به‌ تاوه‌نه‌كه‌یدا، لێكۆڵینه‌وه‌ش تا ئێستا به‌رده‌وامه‌.

PUKmedia جه‌مال سه‌رگه‌تی - هه‌ڵه‌بجه‌