چوار ئاسه‌واری دێرین ده‌دۆزرێنه‌وه‌

مێژووه‌كه‌ی نه‌زانراوه‌

به‌هۆی زۆری بارانبارین و راماڵینی خاكه‌وه‌ له‌ بناری چیای هه‌یبه‌ت سوڵتان له‌ شاری كۆیه‌، ئاسه‌واری گۆزه‌ی دێرین ده‌رده‌كه‌وێت كه‌ له‌لایه‌ن هاووڵاتیانه‌وه‌ فه‌رمانگه‌ی شوێنه‌واری كۆیه‌ی لێ ئاگاداركراوه‌ته‌وه‌.

سه‌ركه‌وت سۆفی لێپرسراوی فه‌رمانگه‌ی شوێنه‌واری كۆیه‌ رایگه‌یاند: له‌لایه‌ن تیمه‌كانی شوێنه‌واره‌وه‌ به‌ شێوازێكی زانستی شوێنی گۆزه‌كان هه‌ڵكه‌ندراون و پارچه‌كانی لێكجیاكراونه‌ته‌وه‌.

سه‌باره‌ت به‌ مێژوو و سه‌رده‌می گۆزه‌كان و ژێرزه‌وی كه‌وتنیان، لێپرسراوی فه‌رمانگه‌ی شوێنه‌واری كۆیه‌ روونیكرده‌وه‌ كه‌ له‌ ئێستاداو به‌بێ پشكنین مێژووی سه‌رده‌مه‌كانیان نازانین.

PUKmedia  كاردۆ محه‌مه‌د  -  كۆیه‌