}

توشبوانی تالاسیمیا پێویستیان به‌خوێنه‌

کوردستان 01:36 PM - 2020-07-02

.

توشبوانی تالاسیمیا لەسلێمانی پێویستیان بەخوێنە لەگروپی +A و كۆمەڵەكەش دەڵێت لەگەڵ بانكی خوێن هەماهەنگیان هەیەو هەركەسێك خوێنەكەی لەگروپی +A بێت بۆ رزگاركردنی ژیانی ئەو توشبوانە دەتوانێت سەردانی بانكی خوێن بكات بەتایبەت لەئێستادا كە پێویستییەكی زۆریان پێیەتی.

كۆچەر كەریم ئەحمەد سەرۆكی كۆمەڵەی تالاسیمیای سلێمانی بە PUKmediaی رایگەیاند: توشبوانی تالاسیمیا پێویستیان بەخوێنە بەتایبەت لە گروپی +A، بەهۆی ڤایرۆسی كۆرۆناو خۆپارێزی رێژەی بەشداریكردنی هاووڵاتیان لە خوێن بەخشین كەمبوەتەوە، بۆیە داواكارین هاووڵاتیان هاوكاری توشبوانی تالاسیمیا بكەن كە ژیانیان لەمەترسیدایە.

راشیگەیاند: ژمارەیەكی زۆری توشبوانی تالاسیمیا گروپی خوێنەكانیان لەجۆری  +A، واتە ئەگەر لەئێستادا 20 توشبومان پێویستیان بەخوێن هەبێت 10 بۆ 12 توشبویان گروپی خوێنەكانیان +Aە، ئەوەش بەهۆی كەمییەوە لەمكاتەدا كێشەی بۆ توشبوەكانمان دروستكردوەو ئەگەر تا چەند رۆژێكی تر خوێنیان دەستنەكەوێت ئەوا ژیانیان دەكەوێتە مەترسییەوە.

سەرۆكی كۆمەڵەی تالاسیمیای سلێمانی دەشڵێت: قسەمان لەگەڵ بانكی خوێن كردوەو ئامادەن رۆژانە لەبەیانییەوە تا ئێوارە 20 بۆ 25 كەس بەپێی رێنماییە تەندروستییەكان و خۆپارێزی سەردانیان بەكەن و خوێن ببەخشن و تەنانەت سبەینێش كە هەینینە بۆ هاوكاریكردنمان ئامادەن پێشوازی لەو كەسانە بكەن كە خوێن دەبەخشن.

PUKmedia تایبه‌ت

777777777777.jpg

ئەمانەش ببینە

زۆرترین خوێنراو