كاندیدێكی هەڵبژاردنەكانی نەینەوا و چوار برای تیرۆر دەكرێن

كاندیدێكی هەڵبژاردنەكانی موسڵ و چوار برای تیرۆر دەكرێن

لە كردەوەیەكی خۆكوژیدا، سەرۆكی لیستی (كل العراق) بۆ هەڵبژاردنەكانی ئەنجومەنی پارێزگای نەینەوا تیرۆر دەكرێت.

سەرچاوەیەكی ئەمنیی بە PUKmedia ی راگەیاند: ئەمڕۆ 19-6 تیرۆریستێك بە پشتێنێكی بۆمبڕێژكراوەوە خۆی بە ماڵی یونس رەماحی سەرۆكی لیستی (كل العراق) بۆ هەڵبژاردنەكانی ئەنجومەنی پارێزگای نەینەوادا تەقاندۆتەوە، بەوهۆیەوە ناوبراو خۆی و چوار برای شەهید بوون و 6 كەسی تریش برینداربوون.

لەلایەكی دیكەوە پەرلەمانتار فەلاح زێدان لەسەر ئیئتیلافی عیراقیە لە پەلامارێكی تیرۆریستی لە شاری موسڵ رزگاری بوو.
سەرچاوەیەكی ئەمنیی پێی راگەیاندین: لە ناوچەی گیارە لە باشوری شاری موسڵ، بۆمبێكی چێندراو بە كاروانی ئۆتۆمبێلەكانی پەرلەمانتارەكەی  ئیئتیلافی عیراقیەدا تەقیوەتەوە، جگەلەزیانی ماددی، زیانی گیانی بەدواوە نەبووە.

لەگەڵ نزیكبوونەوەی هەڵبژاردنەكانی هەردوو پارێزگای نەینەوا و ئەنبار، پەلامارە تیرۆریستییەكان زیادیانكردووە و كاندیدەكان دەكرێنە ئامانجی سەرەكی پەلامارەكان.


PUKmedia نارین بەگ - موسڵ