شاری سلێمانی بووە دەستەخوشکی شاری ئییوو

رێککەوتنی نێوان سلێمانی و شاری ئیو

نوێنەری کۆماری گەلی چین

شاری سلێمانی بە فەرمی بوو بە شاری دەستەخوشکی ئییوو لە کۆماری گەلی چین کە هەنگاوێکی گرنگە بۆ بەهێزکردنی پەیوەندییە نێودەوڵەتییەکانی شاری سلێمانی و فراوانکردنی ڕۆڵی وەک دەروازەیەک بۆ پێشکەوتنی ئابووریی هەرێمی کوردستان و عێراق. 

لە ڕێکەوتی ١٢ی تشرینی دووەمی ٢٠٢٥دا، شاری سلێمانی بە فەرمی بوو بە شاری دەستەخوشکی ئییوو لە کۆماری گەلی چین. ئەم ڕووداوە هەنگاوێکی گرنگە بۆ بەهێزکردنی پەیوەندییە نێودەوڵەتییەکانی شاری سلێمانی و فراوانکردنی ڕۆڵی وەک دەروازەیەک بۆ پێشکەوتنی ئابووریی هەرێمی کوردستان و عیراق. لەم بۆنەیەدا، شاندێکی فەرمی لە سلێمانی، بە سەرۆکایەتی د. هەڤال ئەبوبەکر، پارێزگاری سلێمانی و ئەندامێتیی خاتوو خێڵان لە پارێزگای سلێمانی، د. عوسمان، نوێنەری زانکۆی سلێمانی و ئارام بابان، نوێنەری ژووری بازرگانی و پیشەسازی سلێمانی ئامادە و ڕێککەوتنەکە بە ئامادەبوونی مایۆری ئییوو و نوێنەرانی حکومەتی شارەوانیی شاری ئییوو لە نێوان دوو شارەکەدا واژۆ کرا.

ئەم ڕێککەوتنە دەبێتە چوارچێوەیەک بۆ هاوکاری لە بوارە جیاوازەکاندا، وەک خوێندنی باڵا، بازرگانی، کشتوکاڵ، کەلتور، تەندروستی، گەشتوگوزار و تەکنەلۆژیا دادەنێت، لە کاتێکدا پەیوەندی و ئاڵوگۆڕی کەلتوری پەرە پێدەدات. هەروەها وا چاوەڕێ دەکرێت ئەم ڕێککەوتنە هاوکاری ئەکادیمی لە نێوان زانکۆی سلێمانی و زانکۆکانی تری هەرێمی کوردستان و عێراق و هاوتا چینییەکانیاندا باشتر بکات.

باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی ڕۆڵێکی بەرچاوی بینی لە ئاسانکاریی تەواوبوونی ئەم پرۆژەیە لە هەماهەنگیکردن و ڕێکاری پێویست بۆ بەدەستهێنانی ڕەزامەندی کونسوڵخانەی چین. بەهەمان شێوە باڵیۆز شۆرش خالید سەعید و نوێنەرانی حکومەتی هەرێمی کوردستان - عەبدولکەریم عوزێری، وەسفی خالید، و نەوزاد غەفور، سەرۆکی ژووری بازرگانی و پیشەسازی سلێمانی - هەروەها کۆمپانیا و بازرگانەکان بەشداربوون لە سەرخستنی ئەم کارەدا.

شاری سلێمانی بەردەوامە لە هەوڵدان بۆ بەهێزکردنی پێگەی ئابووری و کەلتوری خۆی لە هەر دوو حکومەتی هەرێمی کوردستان و حکومەتی فیدراڵی عێراقدا. ڕێککەوتنی شاری دەستەخوشکی لەگەڵ ییوو هاوبەشییەکی ستراتیژی دەهێنێتە کایەوە بۆ وەبەرهێنان، داهێنان و هاوکاری نێوان کەلتورەکان کە ئیلهام لە ئەزموون و سەرکەوتنە درێژخایەنەکانی چین وەردەگرێت. لەم ڕووەوە، دامەزراوەی سەرۆک جەلال تاڵەبانی پیرۆزبایی لە هەموو لایەنە بەشداربووەکان دەکات بۆ ئەم کارە گرنگە.

PUKMEDIA