مەکتەبی سیاسی پیرۆزبایی لەدەنگدەران و کاندیدەکەی دەکات لەبەغداد

PUKMEDIA

سەرۆک بافڵ و ئایات ئەدهەم

مەکتەبی سیاسی یەکێتیی نیشتمانیی کوردستان لەبەغداد پیرۆزبایی بەدەستهێنانی کورسییەکی ئەو پارێزگایە لەدەنگدەران و کاندیدەکەی دەکات.

دەقی پەیامی مەکتەبی سیاسی..

مەكتەبی سیاسی یەكێتیی نیشتمانیی كوردستان لە بەغداد پیرۆزبایی لە دەنگدەرانی لە بەغداد دەكات.. 

نزار ئامێدی، لێپرسراوی مەكتەبی سیاسی یەكێتیی نیشتمانیی كوردستان  لە بەغدادد، سوپاس و پێزانینی زۆری خۆی ئاڕاستەی جەماوەری خۆشەویستمان لە بەغداد دەكات، كە بەو پەڕی دڵسۆزییەوە وە  بەشداری كارایان لە هەڵبژاردنی پەرلەمان كرد و پاڵپشتی بەهێزیان بۆ پڕۆژەی یەكێتی دووپاتكردەوە،  لەڕێگەی بەشداری  زۆر و بەرچاویان  لە هەڵبژاردنی پەرلەمانی عیراق  و پاڵپشتییەكی گەورەیان بۆ كاندیدی یەكێتیی نیشتمانیی كوردستان لەناو هاوپەیمانی ئاوەدانكردنەوە و گەشەپێدان، د. ئایات ئەدهەم حسێن بێك سوورە میری، كە متمانەی دەنگدەرانی بەدەستهێنا و بەشایستەیی و دەنگی خۆی كورسییەكی پەرلەمانی بەدەستهێنا..

ئەم سەركەوتنە بەرهەمی هەوڵ و خەبات تێكۆشانی زۆری ئێوە و ئیرادەی بەرزتانە تاوەكو دەنگی كوردی بەغداد  لەپەرلەمان ببیسترێت، بەبەشداری كارای هەمووتان لەهەڵبژاردن دووپاتان كردەوە كەكوردی بەغداد بەشێكی دانەبڕاو و كارای پێكهاتەی رەسەنی نەتەوەیی عێراقە، هەروەها پابەندبوونی خۆتان  دووپاتكردەوە بەبەرنامەی یەكێتیی نیشتمانیی كوردستان و ڕێبازی سەرۆك  مام جەلال تاڵەبانی لە داكۆكیكردن لە ماف و دادپەروەری و بەشداری ڕاستەقینە لە بنیاتنانی وڵاتدا.

هەروەها سوپاس و پێزانینی زۆری خۆمان ئاڕاستەی سەرجەم بازنەكانی  ڕێكخستن و كادیرانی حزب لە بەغداد و هێزە ئەمنییەكان دەكەین كە هەوڵێكی یەكجار زۆریان خستەگەڕ و بەشداری كاریگەرانەیان كرد لە سەركەوتنی پرۆسەی هەڵبژاردنەكاندا ، ڕۆڵێكی دیاریان هەبوو لە بەدەستهێنانی ئەم سەركەوتنە، كە هەموومان بەدەستكەوتێكی بەنرخی دادەنێنن .

ئێمە لە مەكتەبی سیاسی یەكێتیی  نیشتمانیی  كوردستان لە بەغداد،  پیرۆزبایی لە د.ئایات ئەدهەم دەكەین بۆ ئەم سەركەوتنە شایستەیە و بۆ جەماوەری دووپات دەكەینەوە كە بەوەفا دەبین بۆ ئەم بە دەنگەوەهاتنەتان و بەردەوام دەبین لە كاركردن بۆ ئایندەیەكی باشتر بۆ هەڤاڵەكانمان لەبەغدادد.

نزار ئامێدی 
لێپرسراوی مەكتەبی سیاسی یەكێتیی نیشتمانیی كوردستان لە بەغداد

PUKMEDIA