وەفدێکی باڵای یەکێتیی بەشداری یادی دامەزاندنی کۆماری میللی چین دەکات

ئاژانسەکان

ئاهەنگی ساڵیادی کۆماری میللی چین

وەفدێکی باڵای یەکێتیی نیشتمانیی کوردستان بەشداری لە یادی 75 ساڵەی دامەزراندنی کۆماری میللی چین کرد و لەلایەن لیۆ جیۆن کونسوڵی گشتی کۆماری میللی چین و ستافی کونسوڵخانەکەوە پێشوازی کران، کە ئێوارەی 19ی 2024 لە هەولێر بەڕێوەچوو.

قوباد تاڵەبانی جێگری  سەرۆکوەزیرانی حکومەت و دابان شەدەڵە جێگری لپرسراوی فەرمانگەی پەیوەندییەکان لەو مەراسیمەدا ئامادەبوون و پیرۆزیاییان لە کونسوڵ و گەلی چین کرد و رۆڵی ئەو وڵاتەیان لە پەیوەندییە هەمەلایەنەکان لەگەڵ هەرێمی کوردستان بەرزنرخاند.

هەروەها وەفدێکی باڵای یەکێتیی نیشتمانیی کوردستان و وەفدێکی مەکتەبی پەیوەندییەکانی یەکێتی  کە ئامادەی مەراسیمەکە بوون، پیرۆزباییان ئاراستەی کونسوڵخانەی کۆماری میللی چین کرد بەو بۆنە نیشتمانیەوە و تەئکیدیشیان لە پەیوەندی قووڵ و مێژوویی یەکێتی و پەرەپێدانیشی کردەوە. 

لەسەر ئاستی میدیاو راگەیاندنیش وەفدێکی مەکتەبی راگەیاندن و هۆشیاری ئامادەبوون، کە لەلایەن لیۆ جیۆن کونسوڵی گشتی کۆماری میللی چین بەرەسمی بانگهێشتی هەریەک لە د. عەدالەت عەبدوڵا سەرنووسەری رۆژنامەی کوردستانی نوێ و عەتا کەریم سەرنووسەری وێبسایتی رەسمی یەكێتیی نیشتمانیی كوردستان PUKMEDIA و ئەردەلان عەبدوڵا نووسەر و رۆژنامەنووس کرابوون  و وێرای پیرۆزبایی تەئکید لە پەرەپێدانی پەیوەندییە میدیایی و فەرهەنگیی و روناکبیرییەکان کرایە.

لەوتەیەکدا لیۆ جیۆن کونسوڵی گشتی کۆماری میللی چین کە بەبۆنەی یادەکەوە پێشکەشی کرد باسی لە ستراتیژی وڵاتەکە لەبواری ئابووری و بازرگانی و تەکنۆلۆژیا و فەرهەنگی لەگەڵ عیراق و هەرێمی کوردستان کرد ووتی:"عیراق و هەرێمی کوردستان جێگەی بایەخی کۆماری گەلی چین - ن" هەروەک ئاماژەی بەو ناوەند و سەنتەرە ئەکادیمی و فەرهەنگییانەدا کە لەڕێی زانکۆی سلێمانی و سەڵاحەدینەوە هەن".


PUKMEDIA