فەهمی بورهان: سەرژمێری دوردەبێت لەمەرامی سیاسی

PUKMEDIA

فەهمی بورهان سەرۆکی دەستەی ناوچە کوردستانییەکان

سەرۆکی دەستەی ناوچە کوردستانییەکان لەبارەی ئەنجامدانی سەرژمێری گشتی لە ناوچە کوردستانییەکانی دەرەوەی ئیدارەی هەرێم دەڵێت: "سەرژمێری دوردەبێت لەمەرامی سیاسی و هاوکاری ئاوارەکان دەکرێت بۆ گەڕانەوەیان بۆ زێدی خۆیان".

فەهمی بورهان سەرۆکی دەستەی ناوچە کوردستانییەکانی دەرەوەی ئیدارەی هەرێم لە کۆنگرەیەکی رۆژنامەوانیدا رایگەیاند: "لەگەڵ نوێنەری لایەنەکان کۆبوینەتەوەو باسمان لە ئامادەکاری کردووە بۆ ئەنجامدانی سەرژمێری لە ناوچە کوردستانییەکانی دەرەوەی ئیدارەی هەرێم و بیر و بۆچونی هەموو هێزە سیاسییەکان بۆ ئەنجومەنی وەزیران بەرزدەکرێتەوە".

"بەگشتی هێزە سیاسییەکان نیگەران بوون کەلەرابردوودا سەرژمێری بۆ مەرامی سیاسی بووە، بۆیە بۆ ئەمجارە هەوڵدراوە سەرژمێری دوربێت لەو مەترسیانە و بۆ مەرامی سیاسی بەکارنەهێنرێت، هەموومان پێکەوە کاردەکەین تا بتوانرێت مەترسییەکان تێبپەڕێنین"، فەهمی بورهان وای وت.

سەرۆکی دەستەی ناوچە کوردستانییەکان ئەوەش دەڵێت: "لە کۆبونەوەکەدا باسمان لە گەڕاندنەوەی ئاوارەکان کرد بۆ ناوچەکانی خۆیان و بەجۆرێک حکومەتی هەرێمی کوردستان کارئاسانی بکات بۆ ئاوارەکان".

PUKMEDIA