عیماد ئەحمەد: ئەرکی ئەم خولەی پەرلەمان گۆڕانکارییە لە سیستمی حوکمڕانی

PUKMEDIA

عیماد ئەحمەد

عیماد ئەحمەد لێپرسراوی مەکتەبی راگەیاندن و هۆشیاری دەڵێت:" خولی شەشەمی پەرلەمانی کوردستان لە زۆر رووەوە لە خولەکانی تر جیاوازە، لە رووی گۆڕان لە تەرازووی هێزی لایەنە سیاسییەکانی سەر گۆڕەپانی کوردستان، چ لە شێوە و شێوازی هەڵبژاردن، بەتایبەتی کە ئەمجارە فۆڕمی هەڵبژاردنەکە بە چەشنێکە لە قازانجی بەشداریی زیاتری خەڵکدا دەبێت و رەنگە جۆرێک لە یەکسانی لە دابەشکردنی کورسییەکانی پەرلەمان بەسەر ناوچەکانی  کوردستاندا بهێنێتە کایەوە".

عیماد ئەحمەد لە وتارێکیدا کە لە بیرورای PUKMEDIA بڵاوکراوەتەوە دەڵێت:" ئەرکی قورسی ئەم خولەی پەرلەمان، ئەنجامدانی گۆڕانکاریی بنەڕەتییە لە سیستەمی حوکمڕانی لە هەرێم و بەگژداچوونی راستەقینەی پەتای گەندەڵییە کە بووەتە هەڕەشەی جددی لەسەر ئەزموونی هەرێمی کوردستان".

لە وتارەکەیدا عیماد ئەحمەد دەنوسێت:" یەکێتی خاوەن دید و روانگە و بەرنامەی نیشتمانیی تایبەت بە خۆیەتی، بەتایبەتی بۆ دوای دەرئەنجامی کۆتایی هەڵبژاردنی ئەمجارە، ئەرکیشی قورستربووە، چونکە ھێزێکە خاوەنی خەباتێکی دوورو درێژە، رووبارێک خوێنی لەپێناوی بنیاتنانی قەوارەی هەرێمدا بەخشیوە، بەکردەوەش نزیکەی لە سێ دەیە و نیوی رابردوودا ئەرکی پاراستنیشی لە ئەستۆ گرتووە.

PUKMEDIA