رزگار حەمە: چارەنوسی کەرکوک و ناوچە کوردستانییەکان بەندە بەسەرژمێری عیراقەوە

PUKMEDIA

رزگار حاجی حەمە

لێپرسراوی مەکتەبی هەڵبژاردنی یەکێتی لە کۆنگرەیەکی رۆژنامەوانیدا گرنگی و بایەخی پرۆسەی سەرژمێری لە کەرکوک و خانەقین و سەرجەم ناوچە کوردستانییەکانی دەرەوەی هەرێم دەخاتەروو، رایدەگەیەنێت: "چارەنوسی کەرکوک و ناوچە کوردستانییەکان بەندە بەسەرژمێری عیراقەوە".

رزگار حاجی حەمە لێپرسراوی مەکتەبی هەڵبژاردنی یەکێتیی نیشتمانیی کوردستان لە کۆنگرەیەکی رۆژنامەوانیدا رایگەیاند: "هانی هەموان دەدەین بەشداری سەرژمێری بکەن ، تاوەکوو پارێزگاری لە ناسنامەی راستەقینەی کوردستانیبونی ئەو ناوچانە بکەین ، کە کاریگەری لەسەر بار و گوزەران و ئایندەی دانیشتوانەکانیان هەیە".

"بافڵ جەلال تاڵەبانی سەرۆکی یەکێتیی نیشتمانیی کوردستان بایەخی تایبەت بەم پرسە دەدات و هەمووانی بۆ کارکردنی جدی لەم پرسەدا راسپاردووە، چونکە تۆمارکردنی خێزانەکان لەسەرژمێری گشتیدا زامنی مافی هاووڵاتیانی ئەو ناوچانە دەکات و بە بەشداریکردن لە سەرژمێری گشتیدا مافی هاووڵاتی و خێزانەکانیان لە ئیدارەی شارەکانیان پارێزراو دەکات کە 20-11-2024 بەڕێوەدەچێت"، رزگار حاجی حەمە وادەڵێت.

PUKMEDIA