سەرکەوت زەکی لە بادینان: باشکردنی گوزەرانی خەڵک ئەرکی یەکێتیە

PUKMEDIA

کۆبوونەوەی وەفدێکی یەکێتی لە مەڵبەندی ٤ـی دهۆک

سەرلەبەیانی رۆژی ٩/١٠/ ٢٠٢٤ سەرکەوت زەکی لێپرسراوی مەکتەبی رێکخستن و ژمارەیەک لە هەڤاڵانی مەکتەبی ڕێکخستن سەردانی مەڵبەندی ٤ـی دهۆکیان کرد و لەلایەن جەمال یوسف لێپرسراوی مەڵبەندی چواری دهۆك و ئاراس محەمەد ئاغا لێپرسراوی مەڵبەندی حەوتی نەینەوا و داود شێخ جوندی لێپرسراوی مەڵبەندی شەنگال پێشوازی گەرمیان لێکرا.

‎لەو سەردانەدا زنجیرەیەک کۆبوونەوەی رێکخراوەیی کرا  سەرکەوت زەکی لێپرسراوی مەکتەبی رێکخستن رایگەیاند: "باشکردنی ژیان و گوزەرانی ھاووڵاتییان لە پێشینەی کارەکانی یەکێتییە." هەروەک ئاماژەی بەوەشکرد دەبێت لە رێگەی حوکمرانییەکی تەندروستەوە ژیان و گوزەرانیی ھاوڵاتییان باش بکەن، ئەوەش بە بەشداریکردنی "ھاوڵاتییان لە ھەڵبژاردن بەدی دێت". 

‎سەرکەوت زەکی دووپاتیکردەوە کە یەکێتی لەوپەڕی ئامادەباشیدایە بۆ هەڵبژاردن و سورە لەسەر ئەنجامدانی هەڵبژاردن لەوادەی خۆیدا، هەروەها وا بڕیارە بۆ ماوەی چەند ڕۆژێک لە دەڤەری بادینان درێژە بە کۆبوونەوەکانی بدات.

PUKMEDIA