رەفعەت عەبدوڵڵا: راستكردنەوەی رێرەوی حوكمڕانی و گۆڕانكاریی گەورە بە یەكێتی دەكرێت

PUKMEDIA

رەفعەت عەبدوڵڵا ئەندامی مەكتەبی سیاسی یەكێتیی نیشتمانیی كوردستان

رەفعەت عەبدوڵڵا ئەندامی مەكتەبی سیاسی یەكێتیی نیشتمانیی كوردستان رایدەگەیەنێت: "راستكردنەوەی رێرەوی حوكمڕانی و گۆرانكاریی گەورە بە یەكێتی دەكرێت و حكومەتی ئێستا جیاكاری زۆر لەنێوان ناوچەكاندا دەكات و تەواوی سێكتەرەكانیشی بۆ لایەنێك قۆرغكردووە"، تەئكیدیشیكردەوە كە یەكێتی تەواوی ئامادەكارییكردوە بۆ هەڵبژاردنی خولی شەشەمی پەرلەمانی كوردستان".

ئەم وتانەی رەفعەت عەبدوڵڵا لە میانی چەند كۆبوونەوەیەكی رێكخراوەییدا بوو لەگەڵ كۆمەڵەی پێشمەرگە دێرینەكان و ژمارەیەك بازنەی هەڵبژاردنی سنووری سلێمانیدا بوو، كە تێیدا دۆخی سیاسیی و حوكمڕانی و هەڵبژاردنی روونكردەوە و رایگەیاند: "یەكێتی ئامادەكارییەكانی بۆ هەڵبژاردن كردووە بۆ ئەوەی گۆڕانكاریی گەورە لەپێناوی پڕۆسەی حوكمڕانی و گوزرەانی خەڵكدا بكرێت" و دەڵێت: "حكومەتی ئێستا جیاكاری زۆر لەنێوان ناوچەكاندا دەكات و تەواوی سێكتەرەكانیشی بۆ لایەنێك قۆرغكردووە، بۆیە بە بەسەركەوتنی یەكێتی لەم هەڵبژاردنەدا گۆڕانكاریی دەكریت و دەیەوێت رێڕەوی حكومڕانی راستبكاتەوەو حكومەتێكی خزمەتگوزار پێك بهێنێت".

هەڤاڵ رەفعەت عەبدوڵڵا ئاماژەی بەو گرفتانەش كرد كەدەبنە هۆكاری دواكەوتنی مووچەو وتی: "لیستی مووچەی مووچەخۆران دەستكاری دەكرێت و یەكانگیر نییە لەگەڵ ئەو لیستانەی لای حكومەتی فیدڕاڵییە، بۆیە گرفت دروست دەبێت، ئەویش  هۆكارەكەی ئەو لایەنەیە كە دەستی بەسەر ئەم حكومەتەدا گرتووەو حكومەت لەبەرژەوەندی تەسكی حزبایەتی بەكاردەهێنێت و بۆتەحكومەتێكی خۆسەپێن و قۆرغكار" .

"بەیەك تیم پێكەوە بۆ سەركەوتنی یەكێتییەكەمان لەهەڵبژاردندا كاردەكەین، تادواجار ئەم دۆخە چاك بكەین چونكە ئامانجە سەرەكییەكەی یەكێتی كە راستكردنەوەی رێرەوی حكومڕانی و پێكهێنانی حكومەتێكی خزمەتگوزارو دادپەروەرە لە هەرێم" رەفعەت عەبدوڵڵا ئەندامەی مەكتەبی سیاسی وایوت.

PUKMEDIA