كۆمسیۆن: زیاتر لە 200 هەزار دەنگدەر تائێستا كارتی دەنگدانیان وەرنەگرتووەتەوە

PUKMEDIA

پڕۆسەی دەنگدان

وتەبێژی كۆمسیۆنی باڵای سەربەخۆی هەڵبژاردنەكانی عیراق ژمارەی كارتی دەنگدەرانی پارێزگاكانی هەرێمی بڵاوكردەوەو رایگەیاند: "لەهەر چوار پارێزگاكەی هەرێم لەكۆی  2 ملیۆن و 899 هەزارو 578 كارتی دەنگدان 2 ملیۆن و 685 هەزارو 466 كارتی دەنگدان لەلایەن خاوەنەكانیانەوە وەرگیراونەتەوەو 214 هەزارو 112 كەسیش تاوەكو ئێستا كارتەكانیان وەرنەگرتووەتەوە.

جومانە غەلای وتەبێژی  كۆمسیۆنی باڵای سەربەخۆی هەڵبژاردنەكانی عیراق بەوێبسایتی رەسمی یەكێتیی نیشتمانیی كوردستان PUKMEDIA ی راگەیاند: "لەپارێزگای هەولێر لەكۆی یەك ملیۆن و 15 هەزارو 588 كارتی دەنگدان 943 هەزارو 27 كارت لەلایەن خاوەنەكانیانەوە وەرگیراونەتەوەو 72 هەزارو 561 كارتیش تائێستا وەرنەگیراونەتەوە، بەمەش رێژەی وەرگرتنەوەی كارتی دەنگدان لەپارێزگای هەولێر %92.86 ە.

"لەپارێزگای سلێمانیش لەكۆی یەك ملیۆن و 83 هەزارو 248 كارتی دەنگدان، 970 هەزارو 691 كارت لەلایەن خاوەنەكانیانەوە وەرگیراونەتەوەو 112 هەزارو 557 كارتیش تائێستا وەرنەگیراونەتەوە، بەمەش رێژەی وەرگرتنەوەی كارتی دەنگدان لەپارێزگای سلێمانی %89.61 ە " جومانە غەلای وایوت.

راشیگەیاند: "لەپارێزگای دهۆكیش لەكۆی 737 هەزارو 859 كارتی دەنگدان، 711 هەزارو 958 كارت لەلایەن خاوەنەكانیانەوە وەرگیراونەتەوەو 25 هەزارو 901 كارتیش تائێستا وەرنەگیراونەتەوە، بەمەش رێژەی وەرگرتنەوەی كارتی دەنگدان لەپارێزگای دهۆك %96.49 ە ".

لەبارەی پارێزگای هەڵەبجەشەوە وتەبێژی  كۆمسیۆنی باڵای سەربەخۆی هەڵبژاردنەكانی عیراق رایگەیاند: "لەكۆی 62 هەزارو 883 كارتی دەنگدان، 59 هەزارو 790 كارت لەلایەن خاوەنەكانیانەوە وەرگیراونەتەوەو 3 هەزارو 93 كارتیش تائێستا وەرنەگیراونەتەوە، بەمەش رێژەی وەرگرتنەوەی كارتی دەنگدان لەپارێزگای هەڵەبجە %95.08 ە ".

PUKMEDIA