ئەندامێكی مەكتەبی سیاسی: گەرمیانییەكان لەناو یەكێتیدا خاوەن ماڵن

PUKMEDIA

زنجیرە كۆبوونەوەی شێخ ئەحمەد حەمەكەریم لەگەڵ ئۆرگانەكان و خەڵكی گەرمیاندا

یەكێتی ئامانجێتی حوكمڕانی لەهەرێمی كوردستان راستبكاتەوەو سەرجەم ناوچەكانی هەرێم بەبێ جیاوازی خزمەتبكرێن، سەرپەرشتیاری بانگەشەی هەڵبژاردنی یەكێتیش لەسنووری گەرمیان رایدەگەیەنێت: "یەكێتی خاوەنی گەرمیانەو گەرمیانییەكان لەناو یەكێتیدا خاوەن ماڵن".

شێخ ئەحمەد حەمەكەریم ئەندامی مەكتەبی سیاسی یەكێتیی نیشتمانیی كوردستان و سەرپەرشتیاری بانگەشەی هەڵبژاردن لەسنووری گەرمیان رایگەیاند: "یەكێتی خاوەنی گەرمیانەو گەرمیانییەكانیش خاوەن ماڵن لەناو یەكێتیداو لەم روانگەیەشەوە هەموو هەوڵێكی یەكێتی بۆ ئەوەیە گەرمیان بكاتە نموونەی ئاوەدانی خزمەتگوزاری".

"یەكێتی قۆناغی گۆڕانكاری ناوخۆیی بەسەركەوتوویی تێپەڕاندووەو هەنگاوە گەورەكەی كەدواتر دەینێت گۆڕانكارییە لەحكومەت و راستكردنەوەی حوكمڕانی و گێڕانەوەی دادپەروەرییە بۆ هەموو ناوچەكانی هەرێمی كوردستان، چونكە یەكێتی تەنها بۆ خەڵكەو هی خەڵكە" شێخ ئەحمەد حەمەكەریم وادەڵێت.

ئەم وتانەی شێخ ئەحمەد حەمەكەریم ئەندامی مەكتەبی سیاسی یەكێتیی نیشتمانیی كوردستان لەچوارچێوەی زنجیرەیەك كۆبوونەوەدا هات كەلەگەڵ رێكخستن و ئۆرگانەكان و كەسایەتی و كاسبكارانی خەڵكی گەرمیاندا ئەنجامیدان.

PUKMEDIA