مەکتەبی سکرتارییەت: زیندانیانی سیاسی لەڕیزی پێشەوەی کۆڕی خەباتدا بوون

PUKMEDIA

سەردانی وەفدێکی مەکتەبی سکرتاریەتی سەرۆک مام جەلال بۆلای هەڤاڵ عەلی ساڵح سلێمان

رۆژ ٢٠٢٤/٨/٢٧ وەفدی مەکتەبی سکرتارییەتی سەرۆک مام جەلال لە سلێمانی سەردانی هەڤاڵ ( عەلی ساڵح سلێمان )  تێکۆشەری دێرین و زیندانی سیاسی -ی کرد و لەنزیکەوە لەتەندروستییان پرسییەوە و هیوای هەمیشە سەلامەتیان بۆ خواست کە لەماوەی رابردوو باری تەندروستی ناجێگیر بوو.

وەفدەکە  باسیان لەمێژووی پڕ سەروەری و خەباتی پاکی هەڤاڵ عەلی ساڵح کرد وەک یەکێک لە قارەمانەکانی یەکێتی کە ئازایەنە لە زینداندا بەسەربەرزییەوە سەرباری ئازاردان و ئەشکەنجەی زۆر، بەڵام نهێنییەکانی رێکخستنی نەدرکاندو یەکێتییانە پارێزگاری لە بیروباوەڕەکانی کرد کە ئەمە یەکێک بووە لە خەسڵەتەکانی یەکێتییەکان کە هەمیشە لە زیندانەکاندا خۆڕاگرتردەبوون و چۆکیان بۆ  پەتی سێدارە دانەدەدا، لەبەرامبەر ئەو رابردووەش چەپکە گوڵی رێزو وەفای سەرۆک بافڵ جەلال تاڵەبانی، هەڤاڵ قوباد تاڵەبانی ـ یان پێشکەش کرد.

هەڤاڵ عەلی ساڵح سلێمان وێڕای دەربڕینی سوپاسگوزاری دووپاتیکردەوە کە هەمیشە پێشمەرگەو هەڤاڵی دلسۆزی یەکێتی و رێبازەکەی سەرۆک مام جەلال دەبێت.

PUKMEDIA