ئه‌ندامێكی فراكسیۆنی یه‌كێتی: فشارەکانمان بۆ چارەسەری کێشەی مووچە بەردەوامە

پەڕەی رەسمی د. بڕیار رەشید

کۆبونەوەی د، بڕیار لەگەڵ دیوانی چاودێری دارایی

هەوڵەکانی فراکسیۆنی یەکێتی بۆ چارەسەرکردنی کێشەی مووچەی فەرمانبەرانی هەرێم بەردەوامە، کە زیاتر لە 50 رۆژە مووچەیان دواکەوتوەو ئەندامێکی فراکسیۆنەکەش دەڵێت: "بەرپرسی سەرەکی دواکەوتنی مووچەی هەرێم سەرۆکی حکومەتی هەرێم و وەزارەتی داراییە"، دەشڵێت: " ڕێگەنادەین کەمتەرخمی بەرپرسانێک لەنێو حکومەتی عێراق و هەرێم لەمە زیاتر کاریگەری بکاتە سەر ژیان و گوزەرانی سەدان هەزار موچەخۆر".

د.بڕ‌یار ڕ‌ه‌شید ئه‌ندامی ئه‌نجومه‌نی نوێنه‌رانی عیراق  له‌فراكسیۆنی یه‌كێتی به‌وێبسایتی ره‌سمی یه‌كێتیی نیشتمانیی كوردستان PUKMEDIA ی راگه‌یاند:"هەوڵەکانمان چڕ کردۆتەوەو فشارەکانمان بۆ چارەسەر کردنی کێشەی مووچە بەردەوامە و ڕێگەنادەین کەمتەرخمی بەرپرسانێک لەنێو حکومەتی عێراق و هەرێم لەمە زیاتر کاریگەری بکاتە سەر ژیان و گوزەرانی سەدان هەزار موچەخۆر، هاوکات لەکۆبونەوەشمان لەگەڵ سەرۆکی دیوانی چاودێری دارایی عیراق دڵنیای کردینەوە کە هۆکاری دواکەوتنی خەرجی مووچەی فەرمانبەرانی هەرێم لای ئەوانەوە نیە، وردبینی لە خشتەی مووچە خۆران لەلای ئەوانەوە وەرزیانە دەبێت و بەهیچ شێوەیەک ڕێگر نابێت لەخەرجکردنی موچە".

"لە ماوەی رابردو وەک پەرلەمان و فراکسیۆنی یەکێتی هەموو گرفت و بەربەستە یاساییەکانمان چارەسەر کرد و موچەی موچەخۆرانمان خستە سەر خشتەکان، ئەمڕۆش دیوانی چاودێری دارایی عێراق بۆیان دووپات کردینەوە بە وتە و بەو ڕاپۆرتانەی خستیانە بەردەستمان کە بە هیچ شێوەیەک پەیوەندی بەوانەوە نییە، گرفتی دواکەوتنی مووچەی هەرێم تەنها پەیوەندی بە هەردوو وەزارەتی دارای عێراق و کوردستانەوە هەیە"، د. بڕیار وای وت.

پەرلەمانتارەکەی یەکێتی ئەوەش دەڵێت: "بەرپرسی سەرەکی دواکەوتنی مووچەی هەرێم، سەرۆکی حکومەتی هەرێم و وەزارەتی دارای هەرێمە کە کەم تەرخەمن بەرامبەر بە بابەتەکەو  بێ دەسەڵاتن لە بەرامبەر خەرج نەکردنی مووچە".

ئەو وردبینییەی دیوانی چاودێری دارایی لە حکومەتی عیراق لە لیستی موچەی هەرێمی کوردستان دەیکەن، وەرزیە بەم شێوەیە (مانگەکانی ١،٢،٣ دواتر مانگەکانی ٤،٥،٦ وە ٧،٨،٩ لە کۆتایا ١٠،١١،١٢)، کە لەئێستادا وردبینی وەرزی دووەم دەکەن واتە مانگەکانی (٤،٥،٦) نەک ( ٧،٨،٩).

PUKMEDIA