فراکسیۆنی یەکێتی: حکومەتی عیراق لەئاست پێشێلکارییەکان بێدەنگی بشکێنێت

PUKMEDIA

لۆگۆی یەکێتیی نیشتمانیی کوردستان

فراکسیۆنی یەکێتیی نیشتمانیی کوردستان لە ئەنجومەنی نوێنەرانی عیراق لە پەیامێکدا ئیدانەی هێرشە درۆنیەکەی قەزای سەیدسادق دەکات کە بووە هۆی گیانلەدەستدانی دوو رۆژنامەنووسی ژن و رۆژنامەنووسێکی دیکەش بەسەختی برینداربوو.

لە پەیامەکەدا هاتووە: "ئەم جۆرە هێرشە تاوانكاریانە پاساوهەڵنەگرە و دژی هەموو جۆرە یاسا و نەریتێکی نێودەوڵەتییە، هەروەها پێشێلکردن و بێرێزییە بەرامبەر بە سەروەری خاک و ئاسمانی عێراق".

دەقی پەیامەکە 

هێرشەكەی ئەمرۆی نزیك قەزای سەید سادق بێرێزیە بە سەروەری خاك و ئاسمانی عیراق 

ئێمە وەك  فراكسیۆنی یەكێتی نیشتیمانی كوردستان لە ئەنجومەنی نوێنەرانی عیراق هێرشە درۆنیەكەی ئەمرۆی نزیك قەزای سەید سادق ، بەتوندی ئیدانە دەكەین ، كە ئۆتۆمبێلی تیمێکی رۆژنامەوانی كردە ئامانج  ، بەهۆیەوە دوو رۆژنامەنوسی ژن گیانیان لەدەستدا و رۆژنامەنوسێکی تریش بەسەختی برینداربوو. 

ئەم جۆرە هێرشە تاوانكاریانە پاساوهەڵنەگرە و دژی هەموو جۆرە یاسا و نەریتێکی نێودەوڵەتییە، هەروەها  پێشێلکردن و بێرێزییە بەرامبەر بە سەروەری خاک و ئاسمانی عێراق .
بۆیە داوا لە حکومەتی فیدراڵ دەکەین، بێدەنگی بشکێنێ لەئاست ئەو پێشێلکارییانەی رۆژانە دەکرێنەسەر خاک و ئاسمانی عێراق و هەرێمی کوردستان ، وە هەڕەشەیەکی جدییە بۆ سەر ژیانی هاوڵاتیانی مەدەنی . 

فراکسیۆنی (ی . ن .ك )  لە ئەنجومەنی نوێنەرانی عێراق

PUKMEDIA