رەفعەت عەبدوڵڵا: یەکێتی ئامادەی هەڵبژاردن و گۆڕینی حوکمڕانیی هەرێمە

PUKMEDIA

کۆبونەوەی کادیرانی یەکێتی

رەفعەت عەبدوڵڵا ئەندامی مەكتەبی سیاسی یەکێتیی نیشتمانیی کوردستان تەئکید دەکاتەوە کە یەکێتی لەسەرجەم بازنەکان ئامادەکاریی بۆ خولی شەشەمی پەرلەمانی کوردستان کردووە و رایدەگەیەنێت:" یەكێتی ئامادەكاری تەواوی كردووە بۆ هەڵبژاردن و گۆرینی شێوازی حوكمڕانی و راستکردنەوە ڕێڕەوی حوكمڕانی لە هەرێمی كوردستان".  

 رەفعەت عەبدوڵا لە میانی کۆبوونەوەیەکیدا بە ئامادەبوونی سەركەوت زەكی لێپرسراوی مەکتەبی رێکخستن و زیاد جەبار لێپرسراوی مەڵبەندی یەكی سلێمانی، لەگەڵ ژمارەیەك كادری دیار و پێشكەوتووی ئۆرگانە جیاجیاكانیدا  وتی:" ئەم هەڵبژاردنە چارەنووسساز و كاریگەرە بۆ گەلەكەمان بۆ كۆتاییهێنان بەم دۆخ و گوزەرانەی ناهەموارەی  خەڵكی تێدایە" و رایگەیاند:" ، بۆ ئەو مەبەستە  یەكێتی ئامادەكاری تەواوی كردووە، بۆ ئەوەی ئەنجامێكی گەورە بەدەستبهێنێت تا شێوازی حوكمڕانی لەكوردستان بگۆڕێت و ڕێڕەوی حوكمڕانی  راست بكاتەوە".

 هەروەک  لێپرسراوی مەکتەبی رێکخستن رایگەیاند:" بەبێ یەكێتی بڕیارە چارەنووسسازەكان تێپەڕنابێت و یەكێتی رۆڵی كاریگەری هەیە" .

 PUKMEDIA