سەرۆککۆمار: کەرکوک نمونەی برایەتی و پێکەوەژیان بێت

PUKMEDIA

سەرۆککۆمار و سەرۆکی ئەنجومەنی پارێزگای کەرکوک

سەرۆککۆماری عیراق پێشوازی لە سەرۆکی ئەنجومەنی پارێزگای کەرکوک دەکات و رایدەگەیەنێت: "پێویستە هەماهەنگی نێوان ئەنجومەنی پارێزگا و ئیدارەی پارێزگای کەرکوک بەهێزتربێت و داواکاری و پێداویستییەکانی خەڵکی شارەکە بەدیبهێنن کەرکوک بکەنە نمونەیەک بۆ برایەتی و پێکەوە ژیانی پێکهاتەکان".

ئەمڕۆ پێنجشەممە 15-8-2024 د. لەتیف جەمال رەشید سەرۆککۆماری عیراق لە بەغدا پێشوازیکردن لە محەمەد ئیبراهیم حافز سەرۆکی ئەنجومەنی پارێزگای کەرکوک و بۆ وەرگرتنی پۆستەکەی پیرۆزبایی لێکرد و رایگەیاند: "پێویستە کەرکوک نمونەی برایەتی و پێکەوە ژیان بێت و ئەنجومەنی پارێزگای کەرکوک لەئاست چاوەڕوانی و متمانەی هاووڵاتیانی پارێزگاکە بێت".

"پێویستە هەماهەنگی لە نێوان ئەنجومەنی پارێزگا و ئیدارەی پارێزگای کەرکوک بەهێزتر بکرێت، بۆ بەدیهێنانی داواکاری و دابینکردنی پێداویستییەکان خەڵکی کەرکوک بەسەرجەم پێکهاتەکانەوە"، سەرۆککۆمار وای وت.

هەر لەو دیدارەدا، سەرۆکی ئەنجومەنی پارێزگای کەرکوک رایگەیاند: "هەموو هەوڵێک دەدەن بۆ بەهێزکردنی سەقامگیری لەکەرکوک و لەهەموو بوارێکدا رۆڵت گرنگ دەگێڕن بۆ راپەڕاندنی ئەرکەکانیان بۆخزمەتی پارێزگاکە".

PUKMEDIA