مەکتەبی سکرتارییەت: یەکێتی حزبی کۆمەڵانی خەڵکە

PUKMEDIA

سەردانی وەفدێکی مەکتەبی سکرتاریەت بۆلای هەڤاڵ حاکم ئیبراهیم حسێن عەبدوڵڵا

وەفدی مەکتەبی سکرتارییەتی سەرۆک مام جەلال لە سلێمانی سەردانی هەڤاڵ حاکم ئیبراهیم حسێن عەبدوڵڵا تێکۆشەری دێرین و ئەندامی دادگای شۆڕش لە شاخ-ی کرد و رۆڵ و پێگەو تێکۆشانی حاکم ئیبراهیمیان وەبیرهێنایەوە لە خەباتی کوردایەتی دا کە یەکێک بووە لەو کەسایەتییە دڵسۆزو سەرڕاستانەی بەشدار بووە لە شۆڕشی نوێی گەلەکەمان.

هەر لەوسەردانەدا مەکتەبی سکرتارییەت چەپکەگوڵی سەرۆک بافڵ جەلال تاڵەبانی و هەڤاڵ قوباد تاڵەبانیان پێشکەشکردو دووپاتیانکردەوە تێکۆشەران و پێشمەرگەی دێرین هەموو مافێکیان بەسەر یەکێتییەکانەوە هەیە کە لە خزمەتیاندابین و ئاوڕیزیاتریان لێبدەینەوە.

حاکم ئیبراهیم سوپاس مەکتەبی سکرتارییەتی کرد و روونیکردەوە هەمیشە هەڤاڵێکی یەکێتییەکەی مام دەبێت و لەخزمەتی بەدیهێنانی ئامانجە باڵاکانی گەلی کوردا بەردەوام دەبێت.

PUKMEDIA