مەکتەبی سکرتارییەت: شارەزوورییەکان هەمیشە پێشەنگی خەباتن

PUKMEDIA

سەردانی وەفدێکی مەکتەبی سکرتاریەتی سەرۆک مام جەلال بۆلای هەڤاڵ مەحمودی حاجی ساڵح

رۆژی سێشەممە ٢٠٢٤/٨/٦ لە سلێمانی، وەفدێکی مەکتەبی سکرتارییەتی سەرۆک مام جەلال سەردانی تێکۆشەری دێرین و کەسایەتی دیاری دەڤەری شارەزوور هەڤاڵ ( مەحمودی حاجی ساڵح )ـی کرد.

لەو سەردانەدا وەفدەکە بەشداری و تێکۆشانی هەڤاڵ مەحمودی بەرزنرخاند لە کۆڕی خەباتی کوردایەتیدا کە وەک کەسایەتییەکی دیار و کۆڵنەدەری شارەزوور لەگەڵ هەڤاڵەکانیاندا بەشدارێکی کاریگەری خەباتی چەکداری بوون کە یەکێتی شانازی بە شۆڕەسوارەکانی شارەزوورەوە دەکات کە هەمیشە پێشەنگ بوون و ئازایانە گڕوتینیان بە خەباتی چەکداری دایەوە.

وەفدەکە چەپکە گوڵی رێز و وەفای سەرۆک بافڵ جەلال تاڵەبانی ، هەڤاڵ قوباد تاڵەبانیان پێشکەشکرد و  پێزانییان دەربڕی بۆ ماندووبوون و خزمەتەکانی لە حزب و کاری ئیداریدا.

لەبەرامبەردا هەڤاڵ مەحمودی حاجی ساڵح دووپاتیکردەوە کە هەمیشە لەسەر رێبازی سەرۆک مام جەلال بەردەوام دەبێت و وەک یەکێتییەک هەر ئەرکێکی پێبسپێردرێت بە ئەمانەتەوە لە پێناو خزمەتکردنی کۆمەڵانی خەڵک رایدەپەڕێنێت.

PUKMEDIA