شاناز ئیبراهیم ئەحمەد پیرۆزبایی جەژنی چلەی هاوین لە ئێزدییەکان دەکات

نوسینگەی تایبەتی خاتوو شاناز ئیبراهیم ئەحمەد

شاناز ئیبراهیم ئەحمەد خانمی یەکەمی عیراق

خانمی یەکەمی عیراق پیرۆزبایی جەژنی چلەی هاوینی ئێزدییەکان دەکات و رایدەگەیەنێت: "ئەم جەژنە هەوێنی ئاشتی و ئاوەدانی وڵاتەکەمان و کۆتایی نەهامەتییەکانی خوشک و برایانی ئێزیدیمان بێت".

لە راگەیەندراوێکی شاناز ئیبراهیم ئەحمەد خانمی یەکەمی عیراق دا کە وێنەیەکی دەست PUKMEDIA کەوتووە، تێیدا هاتووە: "جەژنی چلەی هاوینی ئایینی ئێزدی، لە هەموو خوشك و برایانی ئێزیدیی لەهەرێمی كوردستان و عێراق و تەواوی جیهان پیرۆز دەكەم".

"لەکاتێکدا بەخێرهاتنی ئەم جەژنە دەکەین، هیوادارین هەوێنی ئاشتی و ئاوەدانی وڵاتەکەمان و کۆتایی نەهامەتییەکانی خوشک و برایانی ئێزیدیمان بێت و جگەلە ئاوەدانکردنەوەی ناوچەکانیان موژدەی سۆراغی بێ سەروشوێنبووان و گێڕانەوەی رووفاتەکانیان بۆ باوەشی نیشتمانی لەگەڵ خۆی هێنابێت، هەر لەجەژن و خۆشیدا بژین و هەموو ساڵێک لەكەشێكی ئارام و ئاشتیانەدا یادی جەژن بکەنەوە"، خانمی یەکەمی عیراق وادەڵێت.
PUKMEDIA