یەکێتی و تورکیا جەخت لەفراوانکردنی پەیوەندییەکانیان دەکەنەوە

PUKMEDIA

دەرباز کۆسرەت رەسوڵ و ئەرمان تۆپچۆ

ئەمرۆ، ٧-٧-٢٠٢٤، دەرباز کۆسرەت رەسوڵ لەبارەگای مەکتەبی سیاسی یەکێتیی نیشتمانیی کوردستان لە هەولێر، پێشوازی کرد لە ئەرمان تۆپچۆ،  کونسوڵی گشتیی نوێی تورکیا لە هەرێمی کوردستان. 

وێڕای پیرۆزبایی بۆ دەستبەکاربوونی وەک کونسولی نوێی وڵاتەکەی، دەرباز کۆسرەت رەسوڵ دەڵێت: "جەختمان لەسەر زیاتر فراوانکردنی ئاسۆیی پەیوەندییەکانی نێوان هەردوولا کردەوە".

راشیگەیاند: "لەبەشێکی تری دیدارەکەماندا، تیشکمان خستەسەر گۆڕانکارییە هەنووکەیەکانی ناوچەکە، دۆخی ئەمنی و ئابووری و بەڕێوەچوونی پرۆسەی هەڵبژاردنی خولی شەشەمی پەرلەمانی کوردستان".

PUKMEDIA