یەکێتی هەمیشە لەخزمەتی تێکۆشەران دا دەبێت

PUKMEDIA

سەردانی وەفدێکی مەکتەبی سکرتاریییەت بۆلای تێکۆشەرانی پێنجوێن

ڕۆژی ٢/ ٧ / ٢٠٢٤  وەفدی مەکتەبی سکرتارییەتی سەرۆک مام جەلال لە پێنجوێن سەردانی هەر سێ فەرماندە و تێکۆشەری دێرینی رۆژانی سەختی خەبات و یەکێتی هەڤاڵان عەلی عبداللە ئەحمەد  ناسراو بە  ( مامۆستا عەلی بچکۆل)  و (عەتا مەجید رەشید) ناسراو بە ( عەتای مەجید کازم )  و ئەکرەم  فەرەج - ی کرد و  لەنزیکەوە لە تەندروستیان پرسی هیوای تەمەن درێژی و سەرفرازی هەمیشەییان بۆ خواستن .

لەو سەردانەدا وەفدەکە  سوپاس و پێزانینی یەکێتیی نیشتیمانی کوردستان یان  پێشکەش بەهەڤاڵان کرد لەپای رۆڵ و ماندوبوونیان لە خەباتی راست و رەوانیان لە شۆڕشی نوێی گەلەکەمان کە هەرەزۆری تەمەنیان بەخشی بە خاک و خزمەتکردنی رێبازی شەهیدان و یەکێتییەکەی مام . و  روونیشیان کردەوە ئێستا یەکێتی لەسەر ڕێبازی سەرۆک مام جەلال و خوێنی شەهیدان درێژە بە خەبات دەدات و لەسەر راسپاردەی سەرۆک  بافڵ جەلال تاڵەبانی ، هەڤاڵ قوباد تاڵەبانی سەردانی تێکۆشەرانی دێرین و هەموو ئەو کەسایەتیانە دەکەین کە لە قۆناغە جیاجیاکانی خەبات بەشێک بوون لە سەروەرییەکان و بە ژیانی خۆیان پارێزگاریان لە دەستکەوتەکان کردو شانازی بەشداریان لە کۆڕی خەبات پێبڕاوە. 


لەبەرامبەردا هەڤاڵان سوپاسی ئەو دەستپێشخەری و بەدەنگەوە هاتنەیان کرد و دووپاتیان کردەوە کەوەک  هەمیشە یەکێتییەکی دڵسۆز دەبن و لەسەر رێبازی شەهیدان بەردەوام دەبن و ئەوەندەی تەمەنیش درفەتبدات هەر پێشمەرگەکەی  گەل و کوردستان دەبن