riklam

لە چوار رۆژدا 348 ئاگر لە دارستانەکانی هەرێم کەوتوونەتەوە

کوردستان 11:40 AM - 2024-06-21
سووتانی دارستانی دهۆک بەهۆی بۆردومانی فڕۆکە جەنگییەکانی تورکیا PUKMEDIA

سووتانی دارستانی دهۆک بەهۆی بۆردومانی فڕۆکە جەنگییەکانی تورکیا

سەدان دۆنم لە پوش و پاوان و دارستانی سروشتی لە سنووری پارێزگاکانی هەرێم سووتاون و تەنیا لە رۆژانی جەژنی قورباندا 348 حاڵەتی ئاگرکەوتنەوە تۆمار کراون.

 بەرگری شارستانی هەرێم لە راگەیەندراوێکدا ئاشکرایدەکات لە رۆژانی جەژن دا: "لە کۆی (404) رووداو، (348) رووداویان ئاگرکەوتنەوەی پوش و پەلاش بووە کە زیانی زۆری بە هاووڵاتیان گەیاندووە".

بەشێک لە ئاگرەکان بەهۆی خەمساردی هاووڵاتیانەوە بووە

سەرچاوەیەک لە پۆلیسی سنوور و دارستان بە وێبسایتی رەسمی یەكێتیی نیشتمانیی كوردستان PUKMEDIA ی راگەیاند: "بەشێکی زۆری ئاگرکەوتنەوەکان بەهۆکاری خەمساردی هاووڵاتیانەوەیە کە دەچنە سەیران و گەشت، ئاگردەکەنەوە".

" رەشەبا هۆکارێکی تەشەنەسەندنی ئاگری پوش و پاوان و دارستانە، کە بەئاسانی کۆنترۆڵ ناکرێن و زیانێکی زۆر بە دارستان و ژینگەی کوردستان دەگەیەنێت"، ئەو سەرچاوەیە وایوت.

بۆردومانەکانی تورکیا هۆکاری ئاگرەکانی دهۆکن

لەسنووری پارێزگای دهۆک هۆکاری سەرەکی ئاگرکەوتنەوەی دارستان و پاوان بۆردومانی تورکیایە.

بەهۆی بۆردومانی چڕی فڕۆکە جەنگییەکانی تورکیا ئاگر لە دارستانەکانی چیای مەتینا لە پارێزگای دهۆک کەوتەوە و  سەدان دۆنم پوش و پاوان و دارستانی سروشتی سووتا، چونکە لەبەر سەختی ناوچەکە تیمەکانی ئاگرکوژێنەوە توانای کۆنترۆڵکردنی ئاگرەکەیان نەبوو .
PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket