riklam

قوباد تاڵەبانی پشتیوانی بۆ پاڵەوانێکی کورد دەردەبڕێت

کوردستان 03:23 PM - 2024-06-13
 قوباد تاڵەبانی و پاڵەوانە کوردەکە راگەیاندنی قوباد تاڵەبانی

قوباد تاڵەبانی و پاڵەوانە کوردەکە

قوباد تاڵەبانی

قوباد تاڵەبانی، جێگری سەرۆکوەزیران رۆژی پێنج شەمە ( ١٣ی حوزەیرانی ٢٠٢٤) لە هەولێر پێشوازی کرد لە محەمەد زارعی پاڵەوانی نێودەوڵەتی کورد و پشتگیری خۆی بۆ بەردەوامبوونی ئەو پاڵەوانە کوردە لە بەدەستهێنانی نازناوە نێودەوڵەتییەکاندا دووپات کردەوە.

محەمەد زارعی یاریزانی نێودەوڵەتی وەرزشی MMAیە و لەسەر ئاستی نێودەوڵەتیدا بەشداری چەندین پاڵەوانێتی کردوە و ئەنجامی گەورەی بەدەستهێناوە. 

 

لە دیدارەکەدا جێگری سەرۆکوەزیران ستایشی هەوڵ و کۆڵنەدانی محەمەد زارعی کرد کە وەک یاریزانێکی کورد بەشداری لە پاڵەوانێتییە نێودەوڵەتییەکاندا کردوە و بە سەرکەوتنەکانی ناوی کورد و کوردستانی بە بەرزی راگرتووە.

 

قوباد تاڵەبانی هانیشیدا کە بەردەوام بێت لە هەوڵەکانی بۆ بەدەستهێنانی سەرکەوتنی گەورەتر لە پاڵەوانێتییە نێودەوڵەتییەکاندا و بۆ ئەم مەبەستەش پشتگیری خۆی بۆ دووپات کردەوە.  

 

لای خۆشیەوە محمد زارعی سوپاسی جێگری سەرۆکوەزیرانی کرد کە هەمیشە پشتگیری لە وەرزشوانانی کورد دەکات بۆ ئەوەی خەونەکانی خۆیان بەدیبهێنن و شانازی بۆ کورد و کوردستان لە گۆڕەپانە نێودەوڵەتییەکاندا تۆمار بکەن.   

 

محمد زارعی کە بە گۆرێلاکەی کورد ناسراوە، خەڵکی شاری سنەی ڕۆژهەڵاتی کوردستان و دانیشتووی وڵاتی نەرویجە. لەسەر ئاستی نێودەوڵەتییدا چەندین دەستکەوتی لە یاری MMA بەدەستهێناوە. لە مانگی ئازاری ئەمساڵیشدا لە پاڵەوانێتی نێودەوڵەتی  CFL8 کە ناوەندی وەرزشی کوردستان ڕێکیخستبوو بەشداربوو و توانی لە کێشی ٨٤ کگم بەسەر حەیدەر دارستانی ڕکابەریدا سەربکەوێت.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket