riklam

قوباد تاڵەبانی بۆ فەرماندەی هێزەکانی هاوپەیمانان: هێشتا تیرۆر مەترسییە

کوردستان 08:15 PM - 2024-06-12
 کۆبوونەوەی قوباد تاڵەبانی لەگەڵ هێزەکانی هاوپەیمانان نوسینگەی رۆژنامەوانی قوباد تاڵەبانی

کۆبوونەوەی قوباد تاڵەبانی لەگەڵ هێزەکانی هاوپەیمانان

قوباد تاڵەبانی

قوباد تاڵەبانی جێگری سەرۆک وەزیران پێشوازیکرد لە جەنەراڵ جۆوڵ ڤاوڵ فەرماندەی گشتیی هێزەکانی هاوپەیمان لە عیراق و سوریا و وەفدی یاوەری و لە کۆبوونەوەی نێوانیاندا دۆخی ئەمنی عێراق و ناوچەکە و پەیوەندیی نێوان هێزەکانی هاوپەیمانان و هێزەکانی پێشمەرگە تاوتوێ کران.


لە کۆبوونەوەکەدا کە رۆژی چوارشەمە (١٢ی حوزەیرانی ٢٠٢٤) لە هەولێر بەئامادەبوونی وەزیری پێشمەرگەو ئەمینداری گشتی ئەو وەزارەتە بەڕێوەچوو، جێگری سەرۆک وەزیران سوپاسی هاوپەیمانانی کرد کە بەردەوامن لە هاوکاریکردنی هێزەکانی پێشمەرگە، بە تایبەتیش لەڕووی راهێنان و پەرەپێدان بە توانا سەربازییەکان.


لە تەوەرێکی تری کۆبوونەوەکەدا قسە لەسەر مەترسییەکانی تیرۆر کرا. لەمبارەیەوە قوباد تاڵەبانی بە ئاماژەدان بەوەی کە هێشتا تیرۆر مەترسییەکی گەورەیە بۆسەر ئاسایش و سەقامگیری عێراق و هەرێمی کوردستان، رایگەیاند؛ پێویستە هەماهەنگییەکان لەنێوان لایەنە ئەمنییەکان بەردەوام بن چونکە هێشتا تیرور مەترسییەیەکە کە نابێ بێئاگا بین لێی.


لە بەشێکی دیکەی کۆبوونەوەکەدا باس لە ریفۆرم لە وەزارەتی پێشمەرگەدا کرا. هەردوولا هاوڕابوون لەسەر پێویستیی بەردەوامبوون لەسەر چاکسازییەکان بەوشێوەیەی کە پلانی بۆ دانراوە.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket