دەست بە دابەشکردنی مووچەی مانگی ئایار دەکرێت

PUKMEDIA

دیناری عیراقی

وەزارەتى دارایی و ئابووری حکومەتی هەرێمی کوردستان خشتەی مووچەی مانگی ئایاری بڵاوکردەوە و لە سبەینێوە 11ـی 6ـی 2024 دەست بە دابەشکردنی مووچە دەکرێت و لە ماوەی سێ رۆژدا سەرجەم فەرمانبەران مووچەکانیان وەردەگرن.

وەزارەتی دارایی و ئابووری حکومەتی هەرێمی کوردستان لە راگەیەندراوێکدا ئاماژەی بەوەداوە: "رۆژی دووشەممە ١٠ ی حوزەیرانی ٢٠٢٤، بڕی ( ٤١٩,١٩٠ ) چوارسەدو نۆزدە ملیارو سەدو نەوەد ملیۆن دینار وەک شایستەی مووچەی مانگی ئایاری فەرمانبەرانی هەرێمی کوردستان خرایە سەر هەژماری بانکی وەزارەتی دارایی و ئابوری هەرێمی کوردستان، هەروەها رۆژی سێ شەممە ٢٠٢٤/٦/١١، دەست بەدابەشکردنی مووچەی مانگی ئایار دەکرێت".

بەپێی راگەیەندراوەکەی دارایی: "خانەنشینی سەربازی لە لیستەکەدا نییە بەهۆی نەگەیشتنی تەمویلەکانیان لەلایەن وەزارەتی دارایی حکومەتی فیدراڵەوە، هەر کات تەمویلەکانیان گەیشتە دەست وەزارەتی دارایی و ئابوری ، دەست بەجێ دەست بەدابەشکردنی مووچەکانیان دەکرێت".